اَلنَّمَصُ [en-nemaṡ] (fethateynle) Bedende pek ince ve hurde olan kıllara denir, şöyle ki sarı tüy gibi görünür ola; yukâlu: فِي وَجْهِهَا نَمَصٌ أَيْ شَعْرٌ رَقِيقٌ دَقِيقٌ حَتَّى تَرَاهُ كَالزَّغَبِ Mü΄ellif ʹâdeti üzere müsâmaha ile tefsîr eylemiştir, zîrâ رِقَّةُ الشَّعْرِ وَدِقَّتُهِ حَتَّى تَرَاهُ كَالزَّغَبِ ʹibâretiyle tefsîr eylemiştir ki şaʹr-ı rakîk ü dakîk te΄vîlindedir. Ve
نَمَصٌ [nemaṡ] Pek kısa olan kuş yeleğine denir. Ve hasır otu nevʹinden bir nebâta denir ki ondan sepet gibi baʹzı zarflara kapak ve tabaklar düzülür. Cevherî vehminden nâşî bunu nûn’un kesriyle takyîd eylemiştir.
Sitemizde detaylı hızlı ve kolay arama ekranı