اَلْبَعِيرُ [el-baʹîr] (bâ’nın fethi ve kalîlen kesriyle) بَازِلٌ [bâzil] ʹalâ-kavlin جَذَعٌ [cežaʹ] olan erkek deveye denir ve kalîlen nâkaya da ıtlâk olunur. بَازِلٌ [bâzil] azı dişini yarmış ve جَذَعٌ [cežaʹ] beş yaşına girmiş devedir. Ve
بَعِيرٌ [baʹîr] Eşeğe denir, حِمَارٌ [ḩimâr] maʹnâsına. Ve mutlakâ yük götüren hayvâna denir. Bu iki maʹnâ nuhâttan İbn Ḣâleveyhi rivâyetidir. Ve بَعِيرٌ [baʹîr]in cemʹi أَبْعِرَةٌ [ebʹiret] ve أَبَاعِرُ [ebâʹir] ve أَبَاعِيرُ [ebâʹîr] ve بُعْرَانٌ [buʹrân] ve بِعْرَانٌ [biʹrân] gelir, bâ’nın zammı ve kesriyle.
اَلْبَعِيرُ [el-beʹîr] (bâ’nın fethi ve ʹayn’ın kesriyle) Deve ki hayvânât kısmındandır, erkeğine ve dişisine ıtlâk olunur, إِنْسَانٌ [insân] gibi ki müzekkere ve mü΄ennese şâmildir ki baʹzı ʹArabdan صَرَعَتْنِي بَعِيرِي ve شَرِبْتُ مِنْ لَبَنِ بَعِيرِي rivâyet olunmuştur ki صَرْعٌ [ṡarʹ] ṡâd-ı mühmele ile yere düşürmeğe derler. Ve بَعِيرٌ [beʹîr]e بَعِيرٌ [beʹîr] ıtlâk olunmaz dört yaşına girmedikçe.
Sitemizde detaylı hızlı ve kolay arama ekranı