اَلْحَنْظَلُ [el-ḩanżal] (جَعْفَرٌ [caʹfer] vezninde) Maʹlûmdur ki ebû cehl karpuzuna denir. Efdalı sarı nevʹidir, ekserî müstaʹmel olan şaḩmıdır. Mefâsıla munsabb olan balgam-ı galîzi şürbü yâ ihtikânı müshil ve mâlîhûlyâ ve sarʹ ve efkâr-ı fâside ve dâ΄u’s-saʹleb ve cüzâm ʹilletlerine nâfiʹ, kezâlik şahmı husûsan kökü yılan ve ʹakreb soktuğuna müfîd ve dânesiyle buhûru vecaʹ-ı dendâna ve matbûhunu hâneye serpmek ihlâk-ı berâgîste mü΄essir ve yeşilini delk ʹırku’n-nesâ ʹilletine ʹazîmü’l-menâfiʹdir. Ve nebâtında münferiden nâbit olanı kattâldir. Ve
حَنْظَلٌ [Ḩanżal] Esâmîdendir: Ḩanżal b. Ḩuṡayn ashâbdandır. Ve Ḩanżale on dört sahâbenin ismidir ve beş nefer muhaddis adıdır. Ve Ḩanżale b. Mâlik, kabîle-i Temîm’de eʹazz u ekrem-i kabîledir ki dûdmânına أَكْرَمُونَ [Ekremûn] ıtlâk ederler.
اَلْحَنْظَلُ [el-ḩanżal] (ḩâ’nın ve żâ’nın fethi ve nûn’un sükûnuyla) Karga düğlüğü ki ona ebû cehl kavunu dahi derler. Ve sâhib-i Ṡurâḩحَنْظَلٌ [ḩanżal]ı telh ile tefsîr etmiştir, münâsib değildir.
Sitemizde detaylı hızlı ve kolay arama ekranı