الإِخْطَاءُ [el-iḣṯâ΄] (hemzenin kesriyle) ve
اَلْخَاطِئَةُ [el-ḣâṯi΄et] (عَافِيَةٌ [ʹâfiyet] vezninde) Bunlar da yanılmak maʹnâsınadır; yukâlu: أَخْطَأَ الرَّجُلُ إِخْطَاءً وَخَاطِئَةً بِمَعْنَى خَطِئَ Ve bunda خَاطِئَةٌ [ḣâṯi΄et] kelimesi ki عَافِيَةٌ [ʹâfiyet] vezninde masdardır, sülâsîden nâdir ve mezîdden enderdir. Bu mâddede bu vech üzere vârid olmuştur, niteki bu gûne emsâli baʹzı mâddelerde mersûmdur. Ve إِخْطَاءٌ [iḣṯâ΄] mâddesinin fiʹl-i mâzîsi olan أَخْطَأْتُ [aḣṯa΄tu] kelimesinin hemzesini yâ’ya ibdâlle gerçi أَخْطَيْتُ ʹunvânıyla da meşhûd olmuştur, lâkin yâ لُغَيَّةٌ [luġayye]dir ki lügat-ı redî΄edir yâhûd لُثْغَةٌ [lušamp;ġat]dır ki bilâ-kâʹide bir harfi harf-i âhere ibdâlden ʹibârettir. Ve
إِخْطَاءٌ [iḣṯâ΄] ʹÂmiden ev sâhiyen emr-i dînde râst ve savâb olmayan tarîke sülûk eylemek maʹnâsınadır; yukâlu: أَخْطَأَ الرَّجُلُ إِذَا سَلَكَ سَبِيلَ خَطَإٍ عَامِدًا أَوْ غَيْرَهُ Niteki خَطَأٌ [ḣaṯa΄] dahi bu maʹnâya gelir. Bunun ism-i fâʹilinde مُخْطِئٌ [muḣṯi΄] ve sülâsînin ism-i fâʹilinde خَاطِئٌ [ḣâṯi΄] denir. Ve ʹinde’l-baʹz مُخْطِئٌ [muḣṯi΄] bilâ-kasd sâlik olana ve خَاطِئٌ [ḣâṯi΄] müteʹammiden sâlik olana ıtlâk olunur. Ve
إِخْطَاءٌ [iḣṯâ΄] Bir kimseyi yanıltmak maʹnâsınadır; yukâlu: أَخْطَأَهُ أَيْ أَوْقَعَهُ فِي الْخَطَإِ
Sitemizde detaylı hızlı ve kolay arama ekranı