اَلْخَبْنُ [el-ḣabn] (غَبْنٌ [ġabn] vezninde) ve
اَلْخِبَانُ [el-ḣibân] (كِتَابٌ [kitâb] vezninde) Uzun libâs makûlesini kasmak maʹnâsınadır; yukâlu: خَبَنَ الثَّوْبَ وَغَيْرَهُ خَبْنًا وَخِبَانًا مِنَ الْبَابِ الثَّانِي إِذَا عَطَفَهُ وَخَاطَهُ لِيَقْصُرَ Ve zahîreyi kaht endîşesine mebnî saklamak maʹnâsınadır; yukâlu: خَبَنَ الطَّعَامَ إِذَا غَيَّبَهُ وَخَبَأَهُ لِلشِّدَّةِ Ve
خَبْنٌ [ḣabn] Ehl-i ʹarûz ıstılâhında ikinci harfi iskât eylemekten ʹibârettir, meselâ mustefʹilun cüz΄ünden sîn’i iskât eylemek gibi ki mefâʹilun cüz΄üne menkûl olur; maʹnâ-yı evvelden me΄hûzdur, lâkin kütüb-i ʹarûzda sebeb-i hafîfin sânîsine mahsûs olmak üzere müsebbettir.
اَلْخِبَانُ [el-ḣibân] (ḣâ’nın kesri ve bâ’nın tahfîfiyle) Bi-maʹnâhu; tekûlu: خَبَنْتُ الثَّوْبَ وَغَيْرَهُ أَخْبِنُهُ خَبْنًا وَخِبَانًا مِنَ الْبَابِ الثَّانِي إِذَا عَطَفْتَهُ وَخِطْتَهُ لِيَقْصِرَ Ve
خَبْنٌ [ḣabn] Taʹâmı kıtlık mülâhazasıyla gizlemeğe dahi derler; tekûlu: خَبَنْتُ الطَّعَامَ إِذَا غَيَّبْتَهُ وَاسْتَعْدَدْتَهُ لِلشِّدَّةِ
Sitemizde detaylı hızlı ve kolay arama ekranı