Kamus-ı Muhit - الخالفة maddesi

اَلْخَالِفَةُ [el-ḣâlifet] Kesîrü’l-hilâf adama denir; hâ΄ mübâlaga içindir; yukâlu: رَجُلٌ خَالِفَةٌ أَيْ كَثِيرُ الْخِلاَفِ Ve nâs maʹnâsına müstaʹmeldir; ve minhu tekûlu: مَا أَدْرِي أَيُّ خَالِفَةٍ هُوَ وَيُقَالُ أَيُّ الْخَوَالِفِ هُوَ عَلَى صِيغَةِ الْجَمْعِ وَأَيُّ خَافِيَةٍ هُوَ أَيْ أَيُّ النَّاسِ Bunda خَالِفَةٌ [ḣâlifet] lafzı munsarıf ve gayr-i munsarıf olur. İnsirâfı نَاسٌ [nâs] irâdesine mebnî ve ʹadem-i insirâfı te΄nîs ve ʹalemiyyet ʹilletlerine mebnîdir. Ve خَافِيَةٌ [ḣâfiyet] cinn tâ΄ifesine denmekle tenekkürü cihetiyle nâstan kinâye olur. Ve

خَالِفَةٌ [ḣâlifet] ve

خَالِفٌ [ḣâlif] Rüşd ve necâbeti olmayıp ehl ve müteʹallakâtına bî-hayr u menfaʹat olan kimseye denir; yukâlu: هُوَ خَالِفَةُ أَهْلِ بَيْتِهِ وَخَالِفُهُمْ أَيْ غَيْرُ نَجِيبٍ لاَ خَيْرَ فِيهِ Cemʹi خَوَالِفُ [ḣavâlif] gelir. Ve

خَوَالِفُ [ḣavâlif] Nisvâna ıtlâk olunur; her birine خَالِفَةٌ [ḣâlifet] denir, hânede tahallüf eylemek şânlarından olduğu için; ve minhu kavluhu taʹâlâ: ﴿رَضُوا بِأَنْ يَكُونُوا مَعَ الْخَوَالِفِ﴾ أَيْ مَعَ النِّسَاءِ Ve

خَوَالِفُ [ḣavâlif] Şol arâzîye denir ki nebâtı sâ΄ir arzların inbâtlarından sonra inbât eder ola. Ve

خَالِفَةٌ [ḣâlifet] Ahmak ve sebük-magz adama denir. Ve bir ümmet ve cemâʹat geçtikten sonra geri kalan ümmet ve cemâʹate denir ki evvelkiden bedellerdir; yukâlu: أَمَةٌ خَالِفَةٌ أَيْ بَاقِيَةٌ بَعْدَ الْأُمَّةِ السَّالِفَةِ Ve çadır ve alaçuk direklerinden en ensede olan direğe denir.

Vankulu Lugatı - الخالفة maddesi

اَلْخَالِفَةُ [el-ḣâlifet] (lâm’ın kesriyle) Kesîrü’l-hilâf olan kimse; yukâlu: رَجُلٌ خَالِفَةٌ إِذَا كَانَ كَثِيرَ الْخِلَافِ Ve

خَالِفَةٌ [ḣâlifet] Mutlakan nâs maʹnâsına dahi gelir; yukâlu: أَيُّ خَالِفَةٍ هُوَ أَيْ أَيُّ النَّاسِ هُوَ Pes خَالِفَةٌ [ḣâlifet] lâ-yansarıftır, te΄nîs ve taʹrîften ötürü. Ve taʹrîfine delîl أَيُّ النَّاسِ هُوَ kavlinde muʹarref bi’l-lâm olan اَلنَّاسُ ile tefsîr olunduğudur. Ve hayrsız olan kimseye dahi خَالِفَةٌ [ḣâlifet] derler; yukâlu: فُلَانٌ خَالِفَةُ أَهْلِ بَيْتِهِ إِذَا كَانَ لَا خَيْرَ فِيهِ Ve

خَالِفَةٌ [ḣâlifet] Kara ev direklerinden bir direğin dahi ismidir, عَمُودُ الْخِبَاءِ maʹnâsına.