اَلرُّخَامُ [er-ruḣâm] (غُرَابٌ [ġurâb] vezninde) Bir cins ak ve mülâyim taş ismidir; humrî ve asfer ve zurzûrî yaʹnî kırmızı ve sarı ve alaca olanı sâ΄ir asnâf-ı ahcârdandır ki رُخَامٌ [ruḣâm]dan değildir. Burada حُمْرِيٌّ [ḩumriyy] حُمْرَةٌ [ḩumret]e mensûb demektir ki pek kırmızı olmayıp kızılca demektir. Ve زُرْزُورِيٌّ [zurzûriyy] alaca demektir, zîrâ زُرْزُورٌ [zurzûr] sığırcık kuşuna denir ki alaca olur, pes mü΄ellife göre beyâz olmayanı رُخَامٌ [ruḣâm]dan maʹdûd değildir. Ve bu taş yumuşak mermer olacaktır ki seng-i mezâr ederler, yanmışının meshûkunu yara üzere ekseler fi’l-hâl demini kâtıʹ ve meshûkundan bir miskâlini üç güne kadar ʹasel ile şürb demevî çıbanları dâfiʹ ve levha-i kabr ettiklerinin meshûkunu maʹşûkun ismini yâd ederek şürb maraz-ı ʹaşkı müzîldir. Şârih der ki hacer-i mezbûr ekserʹArabistân’da olur.
اَلرُّخَامُ [er-ruḣâm] (râ’nın zammı ve ḣâ’nın tahfîfiyle) Şol ak taştır ki mülâyimdir. Ve Ḵâmûs’ta kırmızısı ve sarısı ve alacası olur demiş. Ve bu zikr olunan elvân küfeke taşta dahi mevcûddur. Ve bi’l-cümle ʹâmme-i kütüb-i lügatin tefsîrinden fehm olunan budur ki رُخَامٌ [ruḣâm] nerm taştan ʹibâret ola, egerçi meşhûr budur ki رُخَامٌ [ruḣâm] mermer ola.
Sitemizde detaylı hızlı ve kolay arama ekranı