اَلرِّدَاءُ [er-ridâ΄] (râ’nın kesriyle) Milḩafe-i maʹrûfedir ki başa ve belden yukarıya bürünecek çar ve şâl ve fûta makûlesine denir, إِزَارٌ [izâr] mukâbilidir ki belden aşağıya tutunacak fûta makûlesinden ve peştemâlden ʹibârettir, رِدَاءَةٌ [ridâ΄et] dahi denir hâ’yla; yukâlu: جَاءَ وَعَلَيْهِ الرِّدَاءُ وَالرِّدَاءَةُ أَيْ نَقِيضُ الْإِزَارِ Ve kılıca ve yaya ıtlâk olunur. Ve ʹakl ve müdrikeye ıtlâk olunur. Ve cehl ve nâdânî maʹnâsına müstaʹmeldir, sâtir olduğu için; yukâlu: بِهِ رِدَاءٌ أَيْ جَهْلٌ Ve mutlakan adama zeyn ve revnak îrâs eden nesneye ıtlak olunur, ʹilm ve ʹakl ve sehâ gibi; kezâlik adama şeyn ve nakîsa veren nesneye ıtlâk olunur, cehl ve humk ve buhl gibi. Bu cihetle azdâddan olur. Ve borca ıtlâk olunur, rakabeye lâzım olduğu için; yukâlu: خَلُصَ مِنَ الرِّدَاءِ أَيِ الدَّيْنِ Ve vişâḩ dedikleri zînet-i nisvâna denir. Ve maʹnâ-yı evveldendir ki filân kesîrü’l-maʹrûf ve vâsiʹü’l-ihsândır diyecek yerde هُوَ غَمْرُ الرِّدَاءِ derler, zîrâ ridâ-i vâsiʹ sâ΄iri dahi ihâta edip zîr-i himâyete ahz eder. Ve فُلَانٌ قَلِيلُ الْعِيَالِ وَخَفِيفُ الدَّيْنِ diyecek yerde هُوَ خَفِيفُ الرِّدَاءِ derler, zîrâ ʹayâl ile deyn rakabede mültezemlerdir.
اَلرِّدَاءُ [er-ridâ΄] (râ’nın kesri ve elifin meddiyle) Boyuna uzatılan nesnedir ki maʹrûftur.
Sitemizde detaylı hızlı ve kolay arama ekranı