اَلرَّحُولُ [er-reḩûl] (صَبُورٌ [ṡabûr] vezninde) ve
اَلرَّحُولَةُ [er-reḩûlet] (عَجُولَةٌ [ʹacûlet] vezninde) ve
اَلرَّاحِلَةُ [er-râḩilet] Pâlâna yarayan yaʹnî üzerine yük tahmîline yarar olan deveye denir ki tüvânâ ve münkâd olur. Mü΄ellif اَلصَّالِحَةُ لِأَنْ تُرْحَلَ ʹibâretiyle tefsîr eylemekle ibil yâhûd nâkaya vasf olmak münfehim olur. Şârihin beyânına göre müzekker ve mü΄ennese sâlih müfreddir. Müzekker husûsunda hâ΄ mübâlaga içindir, hattâ رَاحِلَةٌ [râḩilet]in cemʹi رَوَاحِلُ [revâḩil]dir. Ve Miṡbâḩ’ın beyânına göre baʹzılar nâkaya tahsîs eylemiştir. Bu cihetle mü΄ellifin murâdı bu olmak gâlibdir, pes pâlân vurmağa salâhiyyeti olan haml ve rükûba sâlih olmakla yük devesi ve binit devesi demek olur. Ve Nihâye’de اَلرَّاحِلَةُ مِنَ الْبَعِيرِ الْقَوِيُّ عَلَى الْأَسْفَارِ وَالْأَحْمَالِ وَالذَّكَرُ وَالْأُنْثَى فِيهِ سَوَاءٌ وَالْهَاءُ فِيهِ لِلْمُبَالَغَةِ ʹibâretiyle müfesser olmakla kavl-i mezkûru mü΄eyyiddir.
اَلرَّحُولُ [er-reḩûl] (râ’nın fethi ve ḩâ’nın zammı ve meddiyle) Bi-maʹnâhâ. Ve baʹzılar eyitti: رَاحِلَةٌ [râḩilet] binmeğe yarayan devedir gerek erkek gerek dişi.
Sitemizde detaylı hızlı ve kolay arama ekranı