اَللَّاءَاتِ [el-lâ΄ât] (lâm’ın ve elifin meddiyle ki) Mecmûʹu sekiz lügatttir, اَلَّتِي kelimesinin cemʹleridir. Ve tesniyesinde اَللَّتَانِ [elletân] denir nûn-ı muhaffefenin kesriyle ve اَللَّتَانِّ [elletânni] denir nûn-ı müşeddede ile ve اَللَّتَا [elletâ] denir nûn’suz. Ve musaggarında اَللَّتَيَّا [elleteyyâ] denir lâm’ın ve tâ’nın fethi ve yâ’nın teşdîdiyle ve اَللُّتَيَّا [elluteyyâ] denir lâm’ın zammı ve tâ’nın fethiyle. Ve
اَللَّتَيَّا [elleteyyâ] ve
اَلَّتِي [elletî] kelimeleri dâhiye esmâsındandır; yukâlu: وَقَعَ فُلَانٌ فِي اللَّتَيَّا وَالَّتِي أَيْ فِي الدَّاهِيَةِ
اَللَّتَيَّا [elleteyyâ] (lâm’ın fethi ve tâ΄-i fevkânîden sonra yâ’nın teşdîdi ve elifin kasrıyla) اَلَّتِي [elletî]nin tasgîri.Ve gâh olur اَلَّتِي ve اَللَّتَيَّا âfet ve belâ maʹnâsına olur; yukâlu: وَقَعَ فُلَانٌ فِي اللَّتَيَّا وَالَّتِي أَيْ فِي الدَّاهِيَةِ Ve baʹzı şuʹarâ اَلَّتِي üzere harf-i nidâ dâhil kılmıştır, lafzatullâhtan gayrı muʹarref bi’l-lâm olan kelimeye harf-i nidâ dâhil olmaz iken gûyâ ki اَلَّتِي kelimesin lafzatullâha teşbîh etmişlerdir, lâm’dan müfârik olmamak cihetinden.
Sitemizde detaylı hızlı ve kolay arama ekranı