اَلْمُؤْتَفِكَاتُ [el-Mu΄tefikât] (ism-i fâʹil bünyesiyle) Şol beldelerdir ki kavm-i Lûṯ ʹaleyhi’s-selâm üzere zîr ü zeber oldular; ve minhu kavluhu taʹâlâ: ﴿وَالْمُؤْتَفِكَاتُ بِالْخَاطِئَةِ﴾ Şârih der ki Ṡaʹbe ve Ṡaʹde ve ʹAmre ve Dûmâ ve Sedûm nâm şehrler idi. Ve
مُؤْتَفِكَاتٌ [mu΄tefikât] Şol riyâha ıtlâk olunur ki irsâl-i ilâhî ile bir arzı taklîb eyleye yâhûd muhtelifetü’l-mehâbb ola, yaʹnî neş΄et edip estiği kerteler muhtelif ola ki kimi cenûbî ve kimi şimâlî ve garbî ola; ve minhu tekûlu’l-ʹArab: إِذَا كَثُرَتِ الْمُؤْتَفِكَاتُ زَكَتِ الْأَرْضُ Yaʹnî “Muhtelif yeller estikte yerin zerʹi kuvvetlenir ve nemâ-dâr olur.”
اَلْمُؤْتَفِكَاتُ [el-mu΄tefikât] (hemzenin zammı ve fâ’nın kesri ile) Şol kumlardır ki Ḣudây taʹâlâ onu Lûṯ kavmi üzere kalb etti. Ve
مُؤْتَفِكَاتٌ [mu΄tefikât] Şol yellere dahi derler ki onların estiği yerler muhtelif ola. Ve kaçan muhtelif yeller çok esse ʹArab tâ΄ifesi زَكَتِ الْأَرْضُ derler, yaʹnî “Yer pâk oldu” derler.
Sitemizde detaylı hızlı ve kolay arama ekranı