اَلْمُنْسَرِحُ [el-munseriḩ] (ism-i fâʹil bünyesiyle) Sırtı üzere yatıp paçasını ayırmış olan kişiye denir, إِنْسِرَاحٌ [insirâḩ]tan ism-i fâʹildir; yukâlu: إِنْسَرَحَ الرَّجُلُ إِذَا اسْتَلْقَى عَلَى قَفَاهُ وَفَرَّجَ رِجْلَيْهِ Ve
مُنْسَرِحٌ [munseriḩ] Libâsından soyunup ʹuryân olan kişiye denir; yukâlu: إِنْسَرَحَ الرَّجُلُ إِذَا خَرَجَ مِنْ ثِيَابِهِ وَصَارَ عُرْيَانًا Ve
مُنْسَرِحٌ [munseriḩ] ʹArûzdan bir cins yaʹnî bir bahr ismidir ki tefʹîli altı kerre mustafʹilun mefʹûlâtün mustefʹilündür. Lisânda sühûletle cery ve insirâhı sebebiyle ıtlâk olunmuştur. Ve cüst ve çabuk insân ve hayvâna ıtlâk olunur; yukâlu: رَجُلٌ وَفَرَسٌ مُنْسَرِحٌ أَيْ سَرِيعٌ
اَلْمُنْسَرِحُ [el-munseriḩ] (mîm’in zammı ve râ’nın kesriyle) Çâbük maʹnâsına. Ve
اَلْمُنْسَرِحَةُ [el-munseriḩat] Kezâlik tîz ve çâbük maʹnâsına; yukâlu: نَاقَةٌ مُنْسَرِحَةٌ أَيْ سَرِيعَةٌ Ve
مُنْسَرِحٌ [munseriḩ] Şol kimseye derler ki libâsından çıkmış ola. Ve
مُنْسَرِحٌ [munseriḩ] ʹArûzdan bir cins bahrin adıdır.
Sitemizde detaylı hızlı ve kolay arama ekranı