اَلْمِيتَاءُ [el-mîtâ΄] (مِحْرَابٌ [miḩrâb] vezninde) Pek işlek açık şâh-râha denir ki herkes sülûk edip aslâ hâlî kalmaz ola; yukâlu: طَرِيقٌ مِيتَاءٌ أَيْ عَامِرٌ وَاضِحٌ Ve niçe yollar kavuşup cemʹ olduğu mahalle denir; yukâlu: صَادَفْتُهُ فِي الْمِيتَاءِ أَيْ مُجْتَمَعِ الطَّرِيقِ Ve yamaç ve mukâbil maʹnâsına müstaʹmeldir; yukâlu: فِي مِيتَائِهِ أَيْ تِلْقَائِهِ Ve dâ΄imâ ʹivaz ve mükâfât eder olan adama denir; yukâlu: رَجُلٌ مِيتَاءٌ أَيْ مُجَازٍ Ve dâ΄imü’l-ʹatâ adama denir; yukâlu: هُوَ مِيتَاءٌ أَيْ مِعْطَاءٌ
اَلْمِيتَاءُ [el-mîtâ΄] (mîm’in kesri ve meddi ve elifin dahi meddiyle) Ödül yarışında atların seğirtmesi nihâyet bulduğu yer, meydân maʹnâsına. Ve
مِيتَاءٌ [mîtâ΄] Maʹmûr olan yola dahi derler. Ve bir niçe yollar cemʹ olduğu yere dahi مِيتَاءٌ [mîtâ΄]ve مِيدَاءٌ [midâ΄] derler. Ve
مِيتَاءٌ [mîtâ΄] Üslûba ve semte dahi derler; yukâlu: بَنَى الْقَوْمُ بُيُوتَهُمْ عَلَى مِيتَاءٍ وَاحِدٍ وَمِيدَاءٍ وَاحِدٍ أَيْ أُسْلُوبٍ وَاحِدٍ Ve
مِيتَاءٌ [mîtâ΄] Mukâbile maʹnâsına da gelir; yukâlu: دَارِي بِمِيتَاءِ دَارِ فُلَانٍ أَيْ تِلْقَاءَ دَارِهِ مُحَازِيَةً لَهَا
Sitemizde detaylı hızlı ve kolay arama ekranı