Kamus-ı Muhit - الهبط maddesi

اَلْهَبْطُ [el-habṯ] (حَبْطٌ [ḩabṯ] vezninde) Aşağıya indirmek maʹnâsınadır; yukâlu: هَبَطَهُ هَبْطًا مِنَ الْبَابِ اْلأَوَّلِ إِذَا أَنْزَلَهُ Ve maraz ve ʹillet bir kimsenin vücûdunu eritip zebûn ve mehzûl eylemek maʹnâsına müstaʹmeldir; yukâlu: هَبَطَ الْمَرَضُ لَحْمَهُ إِذَا هَزَلَهُ Ve bir kimseye vurmak maʹnâsına müstaʹmeldir; yukâlu: هَبَطَ فُلاَنٌ إِذَا ضَرَبَهُ Ve bir beldeye duhûl eylemek maʹnâsına müstaʹmeldir, gûyâ ki belde-i uhrâdan oraya nüzûl eyler; yukâlu: هَبَطَ بَلَدَ كَذَا إِذَا دَخَلَهُ Ve bir beldeye bir adamı duhûl ettirmek maʹnâsına müteʹaddî olur; yukâlu: هَبَطَهُ إِلَى بَلَدِ كَذَا إِذَا أَدْخَلَهُ Ve bir metâʹın kıymetini eksiltmek maʹnâsınadır; yukâlu: هَبَطَ اللهُ ثَمَنَ السِّلْعَةِ إِذَا نَقَصَهُ Ve eksilmek maʹnâsınadır; yukâlu: فِيهِ هَبْطٌ أَيْ نُقْصَانٌ Ve bir şerr ve kerîheye uğramak maʹnâsınadır. Kâle’ş-şârih ve fi’l-hadîsi: “اَللَّهُمَّ غَبْطًا لاَ هَبْطًا” أَيْ نَسْأَلُكَ الْغِبْطَةَ وَنَعُوذُ بِكَ مِنَ الذُّلِّ وَالنَّقْصِ وَالْإِنْحِطَاطِ

Vankulu Lugatı - الهبط maddesi

اَلْهَبْطُ [el-hebṯ] (hâ’nın fethi ve bâ’nın sükûnuyla) İndirmek; yukâlu: هَبَطَ هَبْطًا مِنَ الْبَابِ الثَّانِي أَيْضًا يَتَعَدَّى وَلَا يَتَعَدَّى yukâlu: “اَللَّهُمَّ غَبْطًا لَا هَبْطًا” أَيْ نَسْأَلُكَ الْغِبْطَةَ وَنَعُوذُ بِكَ أَنْ نَهْبِطَ عَنْ حَالِنَا Ve semen eksilmeğe dahi derler; yukâlu: هَبَطَ ثَمَنُ السِّلْعَةِ أَيْ نَقَصَ Ve semeni eksiltmek maʹnâsına da gelir; yukâlu: هَبَطْتُهُ أَنَا Ve arıklatıp etin indirmeğe dahi derler; yukâlu: هَبَطَ الْمَرَضُ لَحْمَهُ أَيْ هَزَلَهُ