Kamus-ı Muhit - ديسم maddesi

اَلدَّيْسَمُ [ed-deysem] (حَيْدَرٌ [ḩayder] vezninde) Tilkinin kancık köpekten olan yavrusuna denir, ʹalâ-kavlin kurdun kancık köpekten olan eniğine denir; tekûlu: رَأَيْتُ دَيْسَمًا أَيْ وَلَدَ الثَّعْلَبِ مِنَ الْكَلْبَةِ أَوْ وَلَدَ الذِّئْبِ مِنْهَا Ve ayıya denir, دُبٌّ [dubb] maʹnâsına, ʹalâ-kavlin yavrusuna denir. Ve bal arısının oğuluna denir, فَرْخُ النَّحْلِ [ferḣu’n-naḩl] maʹnâsına. Ve zulmet ve sevâd maʹnâlarınadır. Ve bir nebât ismidir,müfredâtta حَمَاحِمُ [ḩamâḩim] ile tefsîr ederler ki firenk fesleğeni dedikleridir. Ve

دَيْسَمٌ [Deysem] Ḵuṯrub nâm imâm-ı lugavînin ashâbından Ebu’l-Fetḩ el-Luġavî ismidir. Ve her umûrda rıfk ve te΄ennî ve şefkat üzere olan mülâyim-meşreb adama denir; yukâlu: هُوَ دَيْسَمٌ أَيْ رَفِيقٌ بِالْعَمَلِ مُشْفِقٌ Ve tilkiye denir.

Vankulu Lugatı - ديسم maddesi

اَلدَّيْسَمُ [ed-deysem] (dâl’ın ve sîn’in fethi ve yâ’nın sükûnuyla) Kurt yavrusu, veled-i zi΄b maʹnâsına. Cevherî eydür: Ebu’l-Ġavšamp;’e su΄âl edip دَيْسَمٌ [deysem] kurtla dişi kelbden olan veleddir derler vâkiʹ midir dedim, eyitti: دَيْسَمٌ [deysem] ayı yavrusudur, gayrı değildir. Ve دَيْسَمٌ [deysem]i Ṡurâḩ nüshalarında beççe-i hargûş ile tefsîr etmiştir. Zâhir budur, sehv-i nâsıhtır, beççe-i hırstan tashif olunmuştur. Ve

دَيْسَمٌ [deysem] Nebâtâttan bir otun dahi ismidir ki ona tâc-ı horûs ve sultân börkü derler, bostân-efrûz maʹnâsına.