زُنَيْمٌ [Zuneym] (nûn’la زُبَيْرٌ [zubeyr] vezninde) Sâriye cenâblarının vâlidesi ismidir. Ve Sâriye ashâbdandır, Nehâvend gazâsında ehl-i Fürs ile kâr-zâra meşgûl iken Fürs ʹaskerinden bir mikdârı uğurlanıp leşker-i İslâm’ın verâlarında olan cebele kasd ve o takrîble bagteten arkadan hücûm eylemek sadedinde iken Medîne’de Halîfe Fârûḵ-ı aʹżam hazretlerinin minber üzere hutbe okurken bu hâleti keşf-i rabbânî ile ʹayne’l-yakîn müşâhede eyledikte hılâl-i hutbede hemân “يَا سَارِيَةُ اَلْجَبَلَ الْجَبَلَ” diye nidâ eyledi. Sâriye dahi ismâʹ-i ilâhî ile nidâ-yı Fârûḵ’u istimâʹ eylemekle cebel tarafına iltifât eyledikte keyfiyyet-i mezbûreyi müşâhede edip fi’l-hâl onları dahi hamle-i kûh-endâz ile tuʹme-i tîg-i kahr ü nekâl eylediler. Ve bu, kerâmât-ı Hazret-i Fârûḵî’dendir radıyallâhu ʹanhu. Ve
زُنَيْمٌ [Zuneym] Bir cüce adamın ismidir ki Fahr-i ʹâlem sallallâhu ʹaleyhi ve sellem hazretleri onu gördükte ʹâfiyet ve iʹtidâl-i vücûd niʹmetine teşekküren secde-i şükrân ederler idi. Ve
زُنَيْمٌ [Zuneym] Žuveyb eṯ-Ṯuhevî nâm şâʹirin ismidir. Kezâlik Enes b. Ebî İyâs nâm şâʹirin ceddi ismidir.
Sitemizde detaylı hızlı ve kolay arama ekranı