اَلْعِرْصَافُ [el-ʹirṡâf] (ṡâd-ı mühmele ile قِرْطَاسٌ [ḵirṯâs] vezninde) ve
اَلْعُرْصُوفُ [el-ʹurṡûf] (عُصْفُورٌ [ʹuṡfûr] vezninde) عُصْفُورُ الْإِكَافِ [ʹuṡrûfu’l-ikâf] maʹnâsınadır ki devenin havudunun ön kaşı aralığına arkuru sokulan iri çiviye denir. ʹAlâ-kavlin عِرْصَافٌ [ʹirṡâf] sinirden düzülmüş kamçıya denir. Ve uzun sinire denir yâhûd bir tutam sinire ve kayışa denir ki onunla mihaffe ve hevdec bend olunur. Cemʹleri عَرَاصِيفُ [ʹarâṡîf]tir. Ve
عَرَاصِيفُ الرَّحْلِ [ʹarâṡîfu’r-raḩl] Deve semerinin kaşına vazʹ olunan dört büyük çiviye denir ki eyegülerini bir yere getirmek için ederler. Her eyegüsünde iki çivi olur ki sinir ile bend ederler. ʹAlâ-kavlin iki ağaçtan ʹibârettir ki semerin art kaşıyla ortası aralığına sağlı sollu üstüvâr olunur. Ve
عَرَاصِيفُ السَّنَامِ [ʹarâṡîfu’s-senâm] Hörgücün çevresinden ʹibârettir ki arka kaburgalarının etrâfından ʹibârettir. Ve
عَرَاصِيفُ الْخُرْطُومِ [ʹarâṡîfu’l-ḣurṯûm] Burun içre genize doğru mâ΄il ve müşrif olan kemirtleklerden ʹibârettir.
Sitemizde detaylı hızlı ve kolay arama ekranı