اَلْعَرَارُ [el-ʹarâr] (سَحَابٌ [seḩâb] vezninde) عَرٌّ [ʹarr] gibi vaktinden mukaddem sütten kesilmiş velede denir; yukâlu: وَلَدٌ عَرَارٌ وَعَرٌّ أَيْ مُعَجَّلٌ عَنِ الْفِطَامِ Mü΄ennesinde عَرَارَةٌ [ʹarâret] ve عَرَّةٌ [ʹarret] denir. Ve
عَرَارٌ [ʹarâr] Kaved ve kısâs maʹnâsınadır. Ve şol şey΄e denir ki hissî yâhûd maʹnevî şey΄-i âhere mukâbil gele. Meselâ kâtilin demi gibi ki maktûlün demine müsâvî ve mukâbil ola yâhûd bir maktûlün demi ki kabîle-i kâtilden bir maktûl-i âherin demine müsâvî gele. Ve
عَرَارٌ [ʹArâr] Bir vâdî ismidir. Ve بَهَارُ الْبَرِّ [behâru’l-berr] ismidir ki papatyanın sığırgözü dedikleridir, bahâr dahi derler. Müfredi عَرَارَةٌ [ʹarâret]tir hâ’yla. Ve
عَرَارَةٌ [ʹarâret] Katılık, şiddet maʹnâsınadır. Ve rifʹat ve sûded ve ʹizzet maʹnâsınadır. Ve dâ΄imâ oğlan doğurur olan hatunlara denir. Ve bed-hûyluk maʹnâsınadır; yukâlu: فِيهِ عَرَارَةٌ أَيْ سُوءُ الْخُلُقِ
اَلْعَرَارَةُ [el-ʹarâret] (ʹayn’ın fethiyle) Bed-hû olmak, sû-i huluk maʹnâsına. Ve bir otun dahi ismidir. Ve ululuğa dahi derler; yukâlu: هُوَ عَرَارَةُ خَيْرٍ أَيْ فِي أَصْلٍ خَيْرٍ Ve
عَرَارَةٌ [ʹarâret] Şiddet maʹnâsına dahi gelir, Aṡmaʹî rivâyetinde.
Sitemizde detaylı hızlı ve kolay arama ekranı