Mütercim der ki evcehi ʹİbrânîdir, مَشِيحٌ [Meşîḩ] lafzından muʹarrebdir, niteki مُوسَى [Mûsâ] مُوشَى [Mûşâ] lafzından ve شَامٌ [Şâm] سَامٌ [Sâm] lafzından muʹarrebdir. İntehâ. Ve
مَسِيحٌ [Mesîḩ] Deccâl’in dahi lakabıdır, uğursuzluğundan nâşî, ʹalâ-kavlin Deccâl’e مِسِّيحٌ [Missîḩ] derler, سِكِّينٌ [sikkîn] vezninde. Ve
مَسِيحٌ [mesîḩ] Gümüş kıtʹasına ıtlâk olunur. Ve tere ıtlâk olunur, عَرَقٌ [ʹaraḵ] maʹnâsına. Ve pek doğru sözlü adama denir, sıddik maʹnâsına. Ve sikke ve nakşı silinmiş akçeye denir. Ve dühn makûlesiyle memsûh olan şey΄e denir. Ve
مَسِيحٌ [mesîḩ] Memsûh bi’l-bereket ve memsûh bi’ş-şu΄m maʹnâsınadır ki ve kesîrü’s-siyâhat adama ıtlâk olunur. Ve kesîrü’l-cimâʹ olana da ıtlâk olunur. Ve مَمْسُوحُ الْوَجْهِ [memsûḩu’l-vech] maʹnasınadır ki çehresinin bir tarafında gözü ve kaşı silik olan kimsedir. Ve pek huşûnetli mendile ve şemleye denir ki bağlamakta ve sarmakta huşûnetinden nâşî mess ve mesh ederler, tâ ki yatıp hemvâr ola. Ve
مَسِيحٌ [mesîḩ] Kezzâb kimseye denir.
اَلْمَسِيحُ الْكَذَّابُ [el-mesîḩu’l-kežžâb] Deccâl dedikleri kimsedir ki onun hurûcu eşrât-ı sâʹattandır. Ve
مَسِيحٌ [mesîḩ] Ter, عَرَقٌ [ʹaraḵ] maʹnâsına.
Sitemizde detaylı hızlı ve kolay arama ekranı