اَلْمُشْطُ [el-muşṯ] (mîm’in harekât-ı selâsı ve şîn-i muʹcemenin sükûnuyla) ve
اَلْمَشِطُ [el-meşiṯ] (كَتِفٌ [ketif] vezninde) ve
اَلْمُشُطُ [el-muşuṯ] (عُنُقٌ [ʹunuḵ] vezninde) ve
اَلْمُشُطُّ [el-muşuṯṯ] (عُتُلٌّ [ʹutull] vezninde) ve
اَلْمِمْشَطُ [el-mimşaṯ] (مِنْبَرٌ [minber] vezninde) Tarağa denir, Fârisîde şâne derler. Cemʹi أَمْشَاطٌ [emşâṯ] ve مِشَاطٌ [mişâṯ] gelir mîm’in kesriyle. Ve
مُشْطٌ [muşṯ] (mîm’in zammıyla) Cullâhların tarak taʹbîr ettikleri âlete ıtlâk olunur. Ve bir hurde ot adıdır ki مُشْطُ الذِّئْبِ [muşṯu’ž-ži΄b] dahi derler. Ve ayağın yüzünde olan yufka kemiklere denir ki taraklık taʹbîr olunur; yukâlu: إِنْكَسَرَ مُشْطُ رِجْلِهِ أَيْ سُلاَمَيَاتُ ظَهْرِ قَدَمِهِ Ve
مُشْطُ الْكَتِفِ [muşṯu’l-ketif] Omzun altında olan kürek kemiğine ıtlâk olunur ki yassı kemiktir, Fârisîde dahi şâne denir. Ve deveye mahsûs bir damga adıdır ki tarak hey΄etinde olur. Ve bir tarza ağaçtan yarılmış tahtaya denir ki küp kapağı ederler.
اَلْأَمْشَاطُ [el-emşâṯ] (hemzenin fethiyle) Cemʹi. Ve
مُشْطٌ [muşṯ] Ayakta olan taraklığa derler ki ayak parmaklarının sinirleri biriktiği yerdir. Ve
مُشْطٌ [muşṯ] Omzun altı yanında olan kürek kemiğine derler.
Sitemizde detaylı hızlı ve kolay arama ekranı