Kamus-ı Muhit - مكوك maddesi

اَلْمَكُّوكُ [el-mekkûk] (تَنُّورٌ [tennûr]vezninde) Bir gûne su içecek tasa denir. Şârihin beyânına göre vasatı vâsiʹ ve yukarısı daracık olur. Ve

مَكُّوكٌ [mekkûk] Bir türlü ölçek adıdır ki bir buçuk صَاعٌ [ṡâʹ] alır, ʹalâ-kavlin nısf-ı رِطْلٌ [riṯl] alır, sekiz أُوقِيَّةٌ [ûḵiyyet]e kadar yâhûd nısf وَيْبَةٌ [veybet] alır. Ve وَيْبَةٌ [veybet] yirmi iki yâhûd yirmi dört مُدٌّ [mudd]-i Hazret-i Nebevî ʹaleyhi’s-selâm mikdârıdır. Ve ʹinde’l-baʹz üç كَيْلَجَةٌ [keylecet] alır. Ve كَيْلَجَةٌ [keylecet] bir مَنٌّ [menn] ile bir مَنٌّ [menn]in yedi sümünüdür. Ve مَنٌّ [menn] ki bir batmandır, iki رِطْلٌ [riṯl]dır. Ve رِطْلٌ [riṯl] on iki أُوقِيَّةٌ [ûḵiyyet]tir. Ve bir أُوقِيَّةٌ [ûḵiyyet] bir إِسْتَارٌ [istâr] ile ve bir إِسْتَارٌ [istâr]ın sülüsânıdır. Ve إِسْتَارٌ [istâr] dört مِثْقَالٌ [mišamp;ḵâl]le nısf-ı مِثْقَالٌ [mišamp;ḵâl]dır. Ve مِثْقَالٌ [mišamp;ḵâl] bir دِرْهَمٌ [dirhem] ile bir دِرْهَمٌ [dirhem]in sülüs-i esbâʹıdır. Ve دِرْهَمٌ [dirhem altı دَانِقٌ [dâniḵ]tir. Ve دَانِقٌ [dâniḵ] iki قِيرَاطٌ [ḵîrâṯ]tır. Ve قِيرَاطٌ [ḵîrât] iki طَسُّوجٌ [ṯassûc]dur. Ve طَسُّوجٌ [ṯassûc] iki حَبَّةٌ [ḩabbet]tir. Ve حَبَّةٌ [ḩabbet] bir دِرْهَمٌ [dirhem]in sümününün südüsüdür ki دِرْهَمٌ [dirhem]in kırk sekiz cüz΄ünden bir cüz΄dür. Ve مَكُّوكٌ [mekkûk] lafzının cemʹi مَكَاكِيكُ [mekâkîk]tir ve مَكَاكِيُّ [mekâkiyy] gelir, kâf-ı ahîri yâ’ya ibdâl ve idgâmla.