Kamus-ı Muhit - نضر maddesi

اَلنَّضْرَةُ [en-naḋret] (nûn’un fethi ve ḋâd-ı muʹcemenin sükûnuyla) İsmdir, tâzeliğe ve terliğe denir; yukâlu: لَهُ نَضْرَةٌ أَيْ نَعْمَةٌ Ve ʹayş ve zindegânî maʹnâsınadır; yukâlu: زَادَ اللهُ نَضْرَتَهُ أَيْ عَيْشَهُ Ve gınâ ve yesâr maʹnâsınadır. Ve hüsn ve revnak ve letâfet maʹnâsınadır. Ve

نَضْرَةٌ [naḋret] ve

نُضُورٌ [nuḋûr] (قُعُودٌ [ḵuʹûd] vezninde) ve

نَضَارَةٌ [neḋâret] (كَرَامَةٌ [kerâmet] vezninde) ve

نَضَرٌ [neḋar] (fethateynle) Masdarlardır, ter ü tâze ve hoş ve revnak-dâr olmak maʹnâsına; yukâlu: نَضَرَ الشَّجَرُ وَالْوَجْهُ وَاللَّوْنُ وَنَضُرَ وَنَضِرَ نَضْرَةً وَنُضُورًا وَنَضَارَةً وَنَضَرًا مِنَ الْبَابِ اْلأَوَّلِ وَالْخَامِسِ وَالرَّابِعِ إِذَا نَعُمَ وَحَسُنَ وَلَطُفَ Ve

نَضَرٌ [neḋar] Bu maʹnâda müteʹaddî olur; yukâlu: نَضَرَهُ اللهُ نَضْرًا مِنَ الْبَابِ اْلأَوَّلِ أَيْ جَعَلَهُ نَاضِرًا

اَلنَّضْرُ [en-naḋr] (nûn’un fethi ve ḋâd’ın sükûnuyla) ve

اَلنَّضِيرُ [en-neḋîr] (أَمِيرٌ [emîr] vezninde) ve

اَلنُّضَارُ [en-nuḋâr] (غُرَابٌ [ġurâb] vezninde) ve

اَلْأَنْضَرُ [el-enḋar] (أَحْمَرُ [aḩmer] vezninde) Altına denir, ذَهَبٌ [žeheb] gibi. ʹAlâ-kavlin gümüşe denir, فِضَّةٌ [fiḋḋat] gibi. نَضْرٌ [naḋr]ın cemʹi نِضَارٌ [niḋâr] gelir nûn’un kesriyle ve أَنْضُرٌ [enḋur] gelir, أَفْلُسٌ [eflus] gibi. Ve

نَضْرٌ [Naḋr] Esâmîdendir: Naḋr b. Kinâne, أَبُو قُرَيْشٍ [ebû ḵureyş]tir. Ve ʹAbbâs b. el-Faḋl b. Zekeriyyâ b. Yaḩyâ b. en-Naḋr en-Naḋravî muhaddistir. Ve Ḩuseyn b. Ḩasen b. en-Naḋr b. Ḩakîm en-Naḋrî ve oğlu Ḵâḋî ʹAbdullâh ve şeyhü’l-islâm Yûnus b. Ṯâhir en-Naḋrî muhaddislerdir. Ve

نُضَارٌ [nuḋâr] (غُرَابٌ [ġurâb] vezninde) Tibr cinsinden cevher-i hâlise denir. Ve haşebe ve tahtaya ve keresteye denir. Ve yemiş veren ılgın ağacına denir, أَثْلٌ [ešamp;l] gibi, ʹalâ-kavlin yağmur suyuyla neşv ü nemâ bulanına yâhûd uzun ve dalları doğru ve hemvâr olanına yâhûd cebelî nevʹine denir. Ve

نُضَارٌ [nuḋâr] Bir nevʹ haşeb ismidir, ondan baʹzı kavata makûlesi evânî düzerler ve minber-i Nebevî ʹaleyhi’s-selâm ondan maʹmûl idi. Şârih der ki bu dahi ılgın nevʹindendir.

Vankulu Lugatı - نضر maddesi

اَلْأَنْضَرُ [el-enḋar] (hemzenin fethi ve ḋâd’ın zammıyla) Cemʹi. Ve

نَضْرٌ [Naḋr] Ḵureyş kabîlesinin babasıdır ki Naḋr b. Kinâne b. Ḣuzeyme b. Mudrike b. İlyâs b. Muḋarr’dır.