اَلسَّلْسَبِيلُ [es-selsebîl] (زَنْجَبِيلٌ [zencebîl] vezninde) Huşûnetsiz nerm ve latîf ve mülâyim nesneye denir. Ve onunla latîf ve hoş-güvâr su sıfatlanır. Ve hamra ıtlâk olunur. Ve cennette bir çeşmenin ismidir. Şârih der ki ümmehât-ı sâ΄ire beyânına göre lezîz ve hoş-güvâr sehl ve latîf suya denir. Ve ʹinde’l-baʹz سَلْ سَبِيلًا kelimesinden menhût ve mürekkebdir. Ve ʹalâ-kavlin mutlakan serîʹü’l-cery olan suya denir.
اَلسَّلْسَبِيلُ [es-selsebîl] (sîn’lerin fethi ve bâ’nın kesri ve meddiyle) Cennette bir pınarın ismidir. Kâlallâhu taʹâlâ: ﴿عَيْنًا فِيهَا تُسَمَّى سَلْسَبِيلًا﴾ (الإنسان، 18) Aḣfeş eyitti: سَلْسَبِيلٌ [selsebîl] maʹrifedirve sarfı memnûʹdur, lâkin âyet-i kerîmenin âhiri olup kurbünde olanlar münevven olduysa elif ziyâde kılınıp bunu dahi münevven kıldılar,﴿قَوَارِيرَا﴾ (الإنسان، 15) kavlinde “قَوَارِيرَ” kavlinde münevven olduğu gibi.
Sitemizde detaylı hızlı ve kolay arama ekranı