اَلْقَبِيصَةُ [el-ḵabîṡat] (سَفِينَةٌ [sefînet] vezninde) Toprak ve çakıl taşı ve moloz kümesine denir. Ve Mavṡil şarkîsinde bir karye adıdır. Ve Surre-men-re΄â kasabası kurbünde bir karyedir. Ve Ḵabîṡa b. el-Esved ve Ḵabîṡa b. el-Berâ΄ ve Ḵabîṡa b. Câbir ve Ḵabîṡa b. Žu΄eyb ve Ḵabîṡa b. Şubrume yâhûd İbn Burme ve Ḵabîṡa b. ed-Demûn ve Ḵabîṡa b. el-Muḣâriḵ ve Ḵabîṡa b. Ḵâṡ ashâblardır.
اَلْقَبِيصَةُ [el-ḵabîṡat] (ḵâf’ın fethi ve bâ’nın kesri ve meddiyle) Parmak uçlarıyla alınan nesne. Ve
قَبِيصَةٌ [Ḵabîṡat] Kezâlik bir recülün ismidir ki o İyâs b. Ḵabîṡa eṯ-Ṯâ΄î’dir. ʹÂmme-i nüsah-ı Cevherî’de böyle vâkiʹ olmuştur. Velâkin hamlde olan mahzûr hafî değildir, zîrâ o Ḵabîṡa eṯ-Ṯâ΄îdir demek gerekti. Ve bunun meseli bundan mukaddem mürûr etmiştir.
Sitemizde detaylı hızlı ve kolay arama ekranı