اَلْكِبْرِيتُ [el-kibrît] (kâf’ın kesriyle فِعْلِيلٌ [fiʹlîl] vezninde) Cins ahcârdan hacer-i maʹrûf ismidir ki âteş gibi yanar ve yakar. Ve yâkût-ı ahmere ve altına da ıtlâk olunur. Ve baʹzılar ʹindinde kibrît, cevâhir-i arziyyeden bir nevʹ cevherdir ki maʹdeni bilâd-ı şarkiyyede Tubbet ülkesinin verâsında vâdî-i Neml dedikleri mahaldedir.
اَلْكِبْرِيتُ [el-kibrît] (kâf’ın ve râ’nın kesri ve mâ-beynde bâ’nın sükûnuyla) Maʹrûftur; ve kavluhum: “أَعَزُّ مِنَ الْكِبْرِيتِ الْأَحْمَرِ” ke-kavlihim: “أَعَزُّ مِنْ بَيْضِ الْأَنُوقِ” Ve أَنُوقٌ [enûḵ] hemzenin fethiyle ve nûn’un zammı ve meddiyle bir kuştur ki ziyâde sarp yerlerde yumurtlamağın yumurtasını kimse görmez. Ve
كِبْرِيتٌ [kibrît] Hâlis maʹnâsına da gelir; yukâlu: ذَهَبٌ كِبْرِيتٌ أَيْ خَالِصٌ
Sitemizde detaylı hızlı ve kolay arama ekranı