اَلتَّنَاسُخُ [et-tenâsuḣ] (تَفَاعُلٌ [tefâʹul] vezninde) ve
اَلْمُنَاسَخَةُ [el-munâseḣat] (مُفَاعَلَةٌ [mufâʹalet] vezninde) Birbirini izâle ile müteʹâkib olmak maʹnâsınadır; ve minhu: اَلتَّنَاسُخُ وَالْمُنَاسَخَةَ فِي الْمِيرَاثِ yaʹnî faraziyyûnun مُنَاسَخَةٌ [munâseḣat] ıtlâk ettikleri mes΄ele bu maʹnâdandır ki bir meyyitin vârisleri dahi kable taksîmi’t-terike fevt olmakla mâl-ı metrûk âher vereselere intikâl eylemekten ʹibârettir. Ve
تَنَاسُخُ اْلأَزْمِنَةِ [tenâsuḣu’l-ezminet] Zamânların ânen fe-ânen hâlden hâle tahavvül ve tedâvülünden ʹibârettir, ʹalâ-kavlin karnların peyderpey inkirâz ve inkizâsından ʹibârettir ki birbirini nesh ve izâle ile müteʹâkib olurlar. Ve تَنَاسُخِيَّةٌ [tenâsuḣiyyet] ıtlâk olunan tâ΄ife dahi bu maʹnâdandır, tâ΄ife-i mersûme tenâsuh-i ervâha kâ΄il ve haşr ve neşri münkir olmalarıyla tekfîr olunurlar.
اَلتَّنَاسُخُ [et-tenâsuḣ] Mîrâsta olan تَنَاسُخٌ [tenâsuḣ] vereseden bir tâ΄ifenin beyninde terike kısmet olunmadan onlar dahi vefât edip mâl âhar vereseye intikâl etmektir.
Sitemizde detaylı hızlı ve kolay arama ekranı