اَلْجَأْرُ [el-ce΄r] (cîm’in fethi ve hemzenin sükûnuyla) ve
اَلْجَئَّارُ [el-ce΄΄âr] (كَتَّانٌ [kettân] vezninde) ve
اَلْجُؤَرُ [el-cu΄er] (صُرَدٌ [ṡurad] vezninde) ve
اَلْجِوَرُّ [el-civerr] (هِجَفٌّ [hiceff] vezninde) Pek firâvân yağmura denir; yukâlu: غَيْثٌ جَأْرٌ وَجئَّارٌ وَجُؤَرٌ وَجِوَرٌّ أَيْ غَزِيرٌ كَثِيرٌ Burada جِوَرٌّ [civerr] vâv-ı müşeddede ile olmakla zâhiren hemzeden mübeddeledir, Ṡiḩâḩ’ta “ج،و،ر” mâddesinde mersûmdur. Ve
جَأْرٌ [ce΄r] Masdar olur, bir adamın içeri göğüsünde bir nesne tıkanıp kalmak maʹnâsına; yukâlu: جَئِرَ الرَّجُلُ جَأْرًا مِنَ الْبَابِ الرَّابِعِ إِذَا غُصَّ فِي صَدْرِهِ
اَلْجُؤَرُ [el-cu΄er] (cîm’in zammı ve hemzenin fethiyle) Yağmuru çok bulut; yukâlu: غَيْثٌ جُؤَرٌ أَيْ سَحَابٌ كَثِيرُ الْمَطَرِ Ammâ جِوَرٌّ [civerr] cîm’in kesri ve vâv’ın fethi ve [fâ’nın] teşdîdiyle bundan sonra zikr olunur, inşâ΄allâhu taʹâlâ.
Sitemizde detaylı hızlı ve kolay arama ekranı