Kamus-ı Muhit - الحجم maddesi

اَلْحَجْمُ [el-ḩacm] (ḩâ’nın fethi ve cîm’in sükûnuyla) Bir nesnenin el sürüp yoklanacak ve ele dokunacak yumruca cüsse ve mikdârına denir ki çelim taʹbîr olunur;cemʹi حُجُومٌ [ḩucûm] gelir; yukâlu: حَجْمُ الْكِتَابِ ضَخْمٌ وَهُوَ مَلْمَسُهُ النَّاتِئُ تَحْتَ الْيَدِ Ve

حَجْمٌ [ḩacm] Masdar olur, menʹ eylemek maʹnâsına; yukâlu: حَجَمَهُ عَنْهُ حَجْمًا مِنَ الْبَابِ الْأَوَّلِ إِذَا مَنَعَهُ Ve kızın memesi tümüp ağırşaklanmak maʹnâsınadır; yukâlu: حَجَمَ ثَدْيُ الْجَارِيَةِ إِذَا نَهَدَ Ve kemikte olan eti kemirip yemek maʹnâsınadır; yukâlu: حَجَمَ الْعَظْمَ إِذَا عَرَقَهُ Ve emmek ve sormak maʹnâsınadır; yukâlu: حَجَمَ الصَّبِيُّ ثَدْيَ أُمِّهِ حَجْمًا مِنَ الْبَابِ الْأَوَّلِ وَالثَّانِي إِذَا مَصَّهُ

Vankulu Lugatı - الحجم maddesi

اَلْحَجْمُ [el-ḩacm] (ḩâ’nın fethi ve cîm’in sükûnuyla) Bir nesnenin yumrusu, cüssesi,حَيْدٌ [ḩayd] maʹnâsına. Ve ekser-i nüsahta ve ʹibâret-i Cevherî حَجْمُ الشَّيْءِ حَيِّزُهُ vâkiʹ olmuştur, zâ-yı muʹceme ile lâkin savâb dâl-ı mühmele iledir; yukâlu: لَيْسَ لِمِرْفَقِهِ حَجْمٌ أَيْ نُتُوءٌ Ve

حَجْمٌ [ḩacm] Haccâmın şîşe çekmesine dahi derler; yukâlu: حَجَمَهُ يَحْجُمُهُ مِنَ الْبَابِ الْأَوَّلِ Ve

حَجْمٌ [ḩacm] Oğlan anasın emmeğe dahi derler; yukâlu: مَا حَجَمَ الصَّبِيُّ ثَدْيَ أُمِّهِ أَيْ مَا مَصَّهُ Ve

حَجْمٌ [ḩacm] Devenin ağzına ısırmasın diye حِجَامٌ [ḩicâm] vazʹ etmeğe dahi derler ki bu devenin heyecânı hîninde kılınır; tekûlu: حَجَمْتُهُ إِذَا جَعَلْتُ عَلَى فَمِهِ حِجَامًا Ve

حَجْمٌ [ḩacm] Menʹ etmeğe dahi derler; yukâlu: حَجَمْتُهُ عَنِ الشَّيْءِ أَحْجُمُهُ مِنَ الْبَابِ الْأَوَّلِ إِذَا كَفَفْتَهُ عَنْهُ