اَلْحِجَازُ [el-ḩicâz] (كِتَابٌ [kitâb] vezninde) Yağır devenin yağırına tîmâr edecek vaktte ayaklarına bağladıkları ipe denir, niteki ânifen zikr olundu. Ve mutlakan esvâbı çemreyip bağlamak için kuşak gibi bele bağlanan şey΄e denir. Ve
حِجَازٌ [Ḩicâz] Cezîretu’l-ʹArab’da Mekke ve Medîne ve Ṯâ΄if ve mihlâflarından yaʹnî nâhiye ve kazâlarından ʹibâret olan ülkenin ismidir. Necd ile arz-ı Tihâme beynini yâhûd Necd ile arz-ı Serât beynini hâciz ve fâsıl olduğu için yâhûd Ḩirâr-ı hams ile mahcûz yaʹnî masûn olduğu için ıtlâk olundu. Ve Ḩirâr-ı hams ki beş hârre yaʹnî beş kara taşlık tepedir, bunlardır; Ḩarre-i Benî Suleym ve Ḩarre-i Vâḵim ve Ḩarre-i Leylâ ve Ḩarre-i Şevrân ve Ḩarretu’n-Nâr.
اَلْحِجَازُ [el-Ḩicâz] (ḩâ’nın kesriyle) Bir niçe şehrlerin adıdır. حِجَازٌ [Ḩicâz] dediler Necd ile Ġavr beynin hâciz olduğu içindir ki Necd ve Ġavr iki vilâyetin ismidir. Aṡmaʹî eyitti: حِجَازٌ [Ḩicâz] dediler حِرَارٌ [ḩirâr]-ı hamsla masûn ve münteniʹ olduğu için ki o حِرَارٌ [ḩirâr]-ı hamsın biri Benî Suleym kabîlesinin harresi ve biri Vâḵim kabîlesinin harresidir. Ve حَرَّةٌ [ḩarret] ḩâ-i mühmelenin teşdîdiyle kara taşlı olan yerdir. Ve
حِجَازٌ [ḩicâz] Şol ipe de derler ki deveye ʹilâc olunmak hîninde bağlarlar, nitekim mürûr etti.
Sitemizde detaylı hızlı ve kolay arama ekranı