اَلْحَرِيشُ [el-ḩarîş] (أَمِيرٌ [emîr] vezninde) Parmak mikdârında ayakları çok bir böcek adıdır, ʹalâ-kavlin kulağakaçan dedikleri böcektir. Ve
حَرِيشٌ [Ḩarîş] Esâmîdendir: Ḩarîş b. Hilâl el-Ḵurayʹî şâʹirdir. Ve Ḩarîş b. Kaʹb, Ḵays kabîlesi nesebinin ricâlindendir. Ve Ḩarîş b. Cezîme, Ezd kabîlesi ve Ḩarîş b. ʹAbdullâh, Kelb kabîlesi ricâlindendir. Ve Ḩarîş b. Caḩcebî b. Kulfe, ensâr-ı kirâm nesebindedir; ensârda bundan gayrı muʹceme ile yoktur, sâ΄iri mühmele iledir ve bu Enes b. Mâlik ve Uḩayḩa b. el-Ḩallâc ceddidir. Žehebî bunu mühmele ile takyîd eylemekle vehm eylemiştir. Ve
حَرِيشٌ [ḩarîş] Ekûl olan erkek deveye denir; yukâlu: جَمَلٌ حَرِيشٌ أَيْ أَكُولٌ Ve şol deveye denir ki dilini dikenler yırtıp sıyırmakla dilini taşra çıkarıp salındırır ola; cemʹi حُرُشٌ [ḩuruş] gelir zammeteynle. Ve gergedan dedikleri cânver-i Hindîye denir. Ve bir cânver-i bahrî ismidir.
اَلْحَرِيشُ [el-ḩarîş] (ḩâ’nın fethi ve râ’nın kesri ve meddiyle) Şol yılandır ki noktaları ola. Ve
حَرِيشٌ [Ḩarîş] Bir kabîlenin ismidir Benî ʹÂmir’den. Ve
حَرِيشٌ [ḩarîş] Bir cânvere de dediler ki onun arslan tırnağı gibi tırnakları vardır ve bir boynuzu vardır ki o gergedân dedikleri cânverdir.
Sitemizde detaylı hızlı ve kolay arama ekranı