اَلْحَصُورُ [el-ḩaṡûr] (صَبُورٌ [ṡabûr] vezninde) Bu dahi gam ve gussadan teng-dil olmuş adama denir; yukâlu: رَجُلٌ حَصُورٌ أَيْ ضَيِّقُ الصَّدْرِ Ve memesinin delikleri daracık olan nâkaya denir; yukâlu: نَاقَةٌ حَصُورٌ أَيِ الضَّيِّقَةُ الْإِحْلِيلِ Ve şol adama ıtlâk olunur ki kudreti var iken nisvânla cimâʹa ragbet eylemeye, ʹalâ-kavlin cimâʹdan memnûʹ ola; meselâ baʹzı kimse bir gûne ʹillete mübtelâ olur ki cimâʹ ona muzırr yâhûd mühlik olmakla etıbbâ΄ onu cimâʹdan menʹ ederler ve ʹalâ-re΄yin حَصُورٌ [ḩaṡûr] aslâ şehvet ve tevkânı olmamakla nisvâna kurbân eylemez olan kimseye denir ki ʹinnîn olacaktır; yukâlu: رَجُلٌ حَصُورٌ إِذَا كَانَ لاَ يَأْتِي النِّسَاءَ وَهُوَ قَادِرٌ عَلَى ذَلِكَ أَوِ الْمَمْنُوعُ مِنْهُنَّ أَوْ مَنْ لاَ يَشْتَهِيهِنَّ وَلاَ يَقْرَبُهُنَّ
اَلْحَصُورُ [el-ḩaṡûr] (ḩâ’nın fethi ve ṡâd’ın zammıyla) Su yolu dar olan nâka; ضَيِّقَةُ الْإِحْلِيلِ maʹnâsına. حَصَرَتِ النَّاقَةُ derler, ṡâd’ın fethiyle. Ve
حَصُورٌ [ḩaṡûr] ʹAvretle cimâʹ etmeyene dahi derler. Ve
حَصُورٌ [ḩaṡûr] Bahîl olan kimseye dahi derler, حَصِيرٌ [ḩaṡîr] gibi.
Sitemizde detaylı hızlı ve kolay arama ekranı