اَلْحَوْشَبُ [el-ḩavşeb] (جَوْهَرٌ [cevher] vezninde) Tavşana denir, أَرْنَبٌ [erneb] gibi. Ve buzağıya denir, عِجْلٌ [ʹicl] gibi. Ve erkek tilkiye denir. Ve ince belli arık davara denir. Ve iki yanları dolup kabarmış davara denmekle zıdd olur. Ve davarın bilekçesinde olan en ve oynak yerine denir ki köstek geldiği yerde baldırıyla bilekçesinin peyvendidir; ʹalâ-kavlin davarın tırnağının iç yüzünde olan kemiğe denir ki sinir ile baldırı beyninde olur yâhûd parmak kemiği gibi şol ince ve hurde kemiğe denir ki baldırın bukağılık tarafına doğru gelen ucuyla tırnağının karârgâhı beyninde olur yâhûd davarın bilekçesi kemiğine denir. Ve
حَوْشَبٌ [Ḩavşeb] Bir recül adıdır. Ve cemâʹat maʹnâsınadır. Ve Yemen’de bir mihlâf yaʹnî bir nâhiye ve eyâlet ismidir. Ve Şehr b. Ḩavşeb ve Ḣalef b. Ḩavşeb ve ʹAvvâm b. Ḩavşeb muhaddislerdir.
اَلْحَوْشَبُ [el-ḩavşeb] (ḩâ’nın fethi ve vâv’ın sükûnuyla ve şîn’in fethiyle) Davarın bileğinde olan en, mavsıl-ı rusg maʹnâsına. Ve baʹzılar eyitti: Davar bileğinde olan küçük kemiğe derler. Ve şol davar ki yanları şişmiş ola, مُنْتَفِخُ الْجَنْبَيْنِ maʹnâsına.
Sitemizde detaylı hızlı ve kolay arama ekranı