اَلْخَيْمَةُ [el-Ḣaymet] (ḣâ’nın fethiyle) أَبَانَيْنِ [Ebâneyn] dedikleri dağların üst tarafında bir tepenin ismidir. Ve
خَيْمَةٌ [ḣaymet] Büyût-ı aʹrâbdan müstedîr olan beyte denir ki çadır taʹbîr olunur. Ve baʹzılar dedi ki üç yâhûd dört ʹamûd üzere tertîb olunup üzerine ثُمَامٌ [šamp;umâm] dedikleri otlukla örttükleri beyttir ki harâret-i havâdan onda müstazill olurlar yâhûd mutlakan ağaç dallarından tertîb ettikleri beyte denir ki Türkîde bunlar salaş taʹbîr olunur, hulâsâsı aʹrâb tâ΄ifesi kıldan müdevver kubbe tarzında ittihâz ederlerve baʹzen müstatîl olur. Ve deriden dahi düzerler, lisânımızda bunlara çadır taʹbîr olunur. Ve ağaçtan çattıklarına Türkmen lisânında alaçık taʹbîr olunurve sâzlıktan yaptıklarına huğ taʹbîr olunur. Ve hâlen müteʹâref olan çadırlar muhdestir, otak ve şemsiyye ve kubbe ve aylak çadırları gibi, gûnâgûnu ihdâs olunmuştur. Ve خَيْمَةٌ [ḣaymet]in cemʹi خَيَمَاتٌ [ḣayemât] gelir fetehâtla ve خِيَامٌ [ḣiyâm] gelir ḣâ’nın kesriyle ve خَيْمٌ [ḣaym] gelir ḣâ’nın fethi ve yâ’nın sükûnuyla ve خِيَمٌ [ḣiyem] gelir, عِنَبٌ [ʹineb] vezninde.
اَلْخَيْمَةُ [el-ḣaymet] (ḣâ’nın fethi ve yâ’nın sükûnuyla) Şol evdir ki ʹArab tâ΄ifesi onu ağaç budaklarından yapar.
Sitemizde detaylı hızlı ve kolay arama ekranı