اَلرِّجَاعُ [er-ricâʹ] (كِتَابٌ [kitâb] vezninde) رَاجِعٌ [râciʹ]-i merkûmdan masdardır, nâkâ yâhûd dişi merkeb kuyruğunu kaldırıp fercinin iki câniblerini büzüp kese kese tebevvül eylemek maʹnâsınadır; yukâlu: رَجَعَتِ النَّاقَةُ وَالْأَتَانُ رِجَاعًا مِنَ الْبَابِ الثَّانِي إِذَا صَارَتْ رَاجِعًا Ve
رِجَاعٌ [ricâʹ] Devenin yularına, ʹalâ-kavlin burnuna geçirdikleri burunsalığa denir. Cemʹi أَرْجِعَةٌ [erciʹat] gelir, جِرَابٌ [cirâb] ve أَجْرِبَةٌ [ecribet] gibi ve رُجُعٌ [rucuʹ] gelir, كِتَابٌ [kitâb] ve كُتُبٌ [kutub] gibi. Ve
رِجَاعٌ [ricâʹ] Kuş kısmı âher semte gittikten sonra yine ʹavdet eylemek maʹnâsınadır; meselâ turna ve kırlangıç ve leylek gibi ki eyyâm-ı sayfta bir mahalle gidip şitâ΄ hengâmında ʹavdet ederler; yukâlu: رَجَعَتِ الطُّيُورُ رِجَاعًا إِذَا عَادَتْ بَعْدَ انْقِطَاعِهَا
اَلرِّجَاعُ [er-ricâʹ] (râ’nın kesriyle) Dişi davar zikr olunan hâlet üzere olmak; yukâlu: رَجَعَتْ تَرْجِعُ رُجُوعًا Ve
رِجَاعٌ [ricâʹ] Tuyûr bilâd-ı bârideden bilâd-ı hârreye intikâl ettikten sonra ʹavdet etmeğe dahi derler.
Sitemizde detaylı hızlı ve kolay arama ekranı