اَلرَّعْنَاءُ [er-raʹnâ΄] (حَمْرَاءُ [ḩamrâ΄] vezninde) أَرْعَنُ [erʹan] kelimesinin mü΄ennesidir, bön ve gevşek ve salkı hatuna denir; yukâlu: إِمْرَأَةٌ رَعْنَاءُ أَيْ هَوْجَاءُ فِي مَنْطِقِهِ حَمْقَاءُ مُسْتَرْخِيَةٌ Lisân-ı şuʹarâda mahbûbeyi رَعْنَاءُ [raʹnâ΄] ile tavsîf istirḣâdan nâşî nihâl-i tâze gibi temâyülü iʹtibârıyladır. Ve
رَعْنَاءُ [Raʹnâ΄] Baṡra şehrinin lakabıdır, dağın enfine teşbîhen, zîrâ Cezîretu’l-ʹArab’dan öteye yâhûd ʹIrâḵ’tan beriye takaddüm eylemiştir. Ve Ṯâ΄if’te bir türlü üzüm ismidir.
اَلرَّعْنَاءُ [er-raʹnâ΄] (râ’nın fethi ve ʹayn’ın sükûnu ve elifin meddiyle) Mü΄ennesi, salkı olan ʹavret maʹnâsına; yukâlu: رَجُلٌ أَرْعَنُ وَامْرَأَةٌ رَعْنَاءُ أَيْ بَيِّنَا الرُّعُونَةِ Ve
أَرْعَنُ [erʹan] ʹAskere dahi derler. Ve bu رُعُونَةٌ [ruʹûnet]ten me΄hûzdur, enf-i cebel maʹnâsına, ʹalâ-mâ se-yecî΄u teşbîhen lehu. Ve Baṡra şehrine رَعْنَاءُ [Raʹnâ΄] dedikleri dahi teşbîhendir. Ve bu İbn Zeyd rivâyetidir. Ve baʹzılar eyitti: ʹAskere أَرْعَنُ [erʹan] dedikleri gâyet kesretinden muztarib olduğundan ötürüdür.
Sitemizde detaylı hızlı ve kolay arama ekranı