اَلْيَدَيَانِ [el-yedeyân] (fethateynle) Tesniyesidir, zikr olunan lügat üzere, رَحَيَانِ [reḩayân] gibi. Ve
يَدٌ [yed] Kuvvet maʹnâsına dahi gelir. Ve tâkat maʹnâsına dahi gelir. Kâlallâhu taʹâlâ: ﴿وَالسَّمَاءَ بَنَيْنَاهَا بِأَيْدٍ﴾ (الذاريات، 47) Bu zikr olunan Cevherî kelâmıdır, lâkin أَيْدٍ bu âyet-i kerîmede يَدٌ [yed]in cemʹi değildir, آدَ يَئِيدُdan masdardır, قَوِيَ maʹnâsına. E΄imme-i tefsîrden bu âyette أَيْدٍ [eydin]in cemʹ-i يَدٌ [yed] olmasına zâhib olmuş yoktur demişlerdir. Ve
يَدٌ [yed] Zillet ve tâʹat maʹnâsına dahi gelir. Kâlallâhu taʹâlâ: ﴿حَتَّى يُعْطُوا الْجِزْيَةَ عَنْ يَدٍ وَهُمْ صَاغِرُونَ﴾ (التوبة، 29) أَيْ عَنْ ذِلَّةٍ وَاسْتِسْلَامٍ Ve إِسْتِسْلَامٌ [istislâm] sîneyn-i mühmeleteynle bir nesneye boyun sunup itâʹat etmek. Ve baʹzılar âyet-i kerîmede عَنْ يَدٍ [ʹan yedin] نَقْدًا لَا نَسِيئَةً maʹnâsınadır demiştir. Ve
يَدٌ [yed] Niʹmet maʹnâsına ve ettiğin ihsân maʹnâsına dahi gelir.
Sitemizde detaylı hızlı ve kolay arama ekranı