اَلْحِقْدُ [el-ḩiḵd] (ḩâ’nın kesriyle) ve
اَلْحَقْدُ [el-ḩaḵd] (ḩâ’nın fethi ve ḵâf’ın sükûnuyla) ve
اَلْحَقَدُ [el-ḩaḵad] (fethateynle) ve
اَلْحَقِيدَةُ [el-ḩaḵîdet] (عَقِيدَةٌ [ʹaḵîdet] vezninde) ʹAdâveti kalbinde imsâk eylemek yaʹnî derûnda kîn tutmak maʹnâsınadır; yukâlu: حَقَدَ عَلَيْهِ وَحَقِدَ عَلَيْهِ حِقْدًا وَحَقْدًا وَحَقَدًا وَحَقِيدَةً مِنَ الْبَابِ الثَّانِي وَالرَّابِعِ إِذَا أَمْسَكَ عَدَاوَتَهُ فِي قَلْبِهِ وَتَرَبَّصَ لِفُرْصَتِهَا أَيْ لِإِجْرَاءِ عَدَاوَتِهَا Ve
حِقْدٌ [ḩiḵd] (ḩâ’nın kesriyle) İsm olur, kîn maʹnâsına. Cemʹi أَحْقَادٌ [aḩḵâd] ve حُقُودٌ [ḩuḵûd] gelir ve حَقَائِدُ [ḩaḵâ΄id] gelir. Ve
حَقَدٌ [ḩaḵad] (fethateynle) Yağmur katʹâ yağmayıp muhtebes olmak maʹnâsınadır; yukâlu: حَقِدَ الْمَطَرُ حَقَدًا مِنَ الْبَابِ الرَّابِعِ إِذَا احْتَبَسَ Ve bulut yağmur yağdırmayıp imsâk eylemek maʹnâsınadır; yukâlu: حَقِدَتِ السَّمَاءُ إِذَا لَمْ تُمْطِرْ Ve maʹdende mâdde kalmayıp bir nesne çıkmaz olmak maʹnâsınadır; yukâlu: حَقِدَ الْمَعْدِنُ إِذَا انْقَطَعَ فَلَمْ يُخْرِجْ شَيْئًا Ve dâbbe pek semirip lahm ve şahmla bedeni dolmak maʹnâsınadır; yukâlu: حَقِدَتِ النَّاقَةُ إِذَا امْتَلَأَتْ شَحْمًا
Sitemizde detaylı hızlı ve kolay arama ekranı