Kamus-ı Muhit - رقم maddesi

اَلرَّقْمُ [er-raḵm] (râ’nın fethi ve ḵâf’ın sükûnuyla) Yazı yazmak maʹnâsınadır; yukâlu: رَقَمَ الرَّاقِمُ رَقْمًا مِنَ الْبَابِ الْأَوَّلِ إِذَا كَتَبَ Ve yazıya nokta ve iʹrâb vazʹıyla tebyîn eylemek maʹnâsınadır; yukâlu: رَقَمَ الْكِتَابَ إِذَا أَعْجَمَهُ وَبَيَّنَهُ [Ve] رَقْمٌ [raḵm]-ı hisâbî bundan me΄hûzdur. Ve sevbi muhattat kılmak maʹnâsınadır. Şârihin beyânı üzere bu üç gûne maʹnâyı muhtemeldir: Evvelâ cullâh sevbi yol yol çubuklu alaca nesc eylemek, sâniyâ bâzirgânlar nişân için çizgiler eylemek, sâlisâ bir tarafına bahâsını ve endâzesinin ʹadedini resm eylemek maʹnâlarıdır; yukâlu: رَقَمَ الثَّوْبَ إِذَا خَطَّطَهُ Ve

رَقْمٌ [raḵm] Âfet ve dâhiye maʹnâsınadır; yukâlu: جَاءَ بِالرَّقْمِ أَيْ بِالدَّاهِيَةِ Ve bir çeşit çubuklu alaca kumaşın ismidir, ʹalâ-kavlin ḣazz ile mensûc kutnî kumaşa denir yâhûd بُرْدٌ [burd] dedikleri kumaş cinsindendir; yukâlu: جَاءَ وَعَلَيْهِ رَقْمٌ أَيْ ضَرْبٌ مُخَطَّطٌ مِنَ الْوَشْيِ أَوْ مِنَ الْخَزِّ أَوْ مِنَ الْبُرُودِ Ve

رَقْمٌ [raḵm] Çok nesneye denir, ke-mâ se-yuzkeru.

Vankulu Lugatı - رقم maddesi

اَلرَّقْمُ [er-raḵm] (râ’nın fethi ve ḵâf’ın sükûnuyla) Kitâbet etmek ve mühr vurmak; مِنَ الْبَابِ الْأَوَّلِ Kâlallâhu taʹâlâ: ﴿كِتَابٌ مَرْقُومٌ﴾ (المطففين، 9،20) ve

رَقْمُ الْمَاءِ [raḵmu’l-mâ΄] Su üzerinde yazmak; minhu kavluhum: هُوَ يَرْقُمُ الْمَاءَ Yaʹnî “Hazâkati bir dâ΄irededir ki kitâbet karâr etmeyen yerde kitâbet eder.” Ve

رَقْمُ الثَّوْبِ [raḵmu’šamp;-šamp;evb] Bezin nişânı ve ʹalâmeti كِتَابُ الثَّوْبِ maʹnâsına. Ve bu aslında masdar idi; yukâlu: رَقَمْتُ الثَّوْبَ Ve

رَقْمٌ [raḵm] Kezâlik bürd dedikleri kumâşın bir cinsidir.