اَلرَّقْمَتَانِ [er-raḵmetân] (تَمْرَتَانِ [temretân] vezninde) Davarın iki ellerinin iç yüzlerinde tırnağa şebîh iki mühredir ki birbirine mukâbil olur, ʹalâ-kavlin eşek kısmının yancık etlerini ihâta eylemiş iki eser ve nişâneye denir ki dağlamaktan peydâ olmuştur yâhûd etten iki mühredir ki at kısmının kollarının iç yüzlerine karîb yerlerinde olur, üzerlerinde tüy olmaz yâhûd جَاعِرَتَانِ [câʹiretân]dan ʹibârettir. Mü΄ellif “ج،ع،ر” mâddesinde جَاعِرَتَانِ مَوْضِعُ الرَّقْمَتَيْنِ مِنِ اسْتِ الْحِمَارِ kavli maʹnâ-yı ahîri mü΄eyyiddir. Ve
رَقْمَتَانِ [Rakmetân] Ṡammân nâhiyesinde iki çemen-zâra denir.
اَلرَّقْمَتَانِ [er-raḵmetân] (râ’nın fethi ve ḵâf’ın sükûnuyla) Koyunun ayağında iki tırnak gibi nesnedir ki birbirine mukâbildir. Ve
رَقْمَتَانِ [raḵmetân] Kezâlik atın ve merkebin kolları içinde olan eserdir ki kemik misâlindedir.
Sitemizde detaylı hızlı ve kolay arama ekranı