قُعَيْقِعَانُ [Ḵuʹayḵiʹân] (زُعَيْفِرَانٌ [zuʹayfirân] vezninde) Ehvâz türâbında bir dağın adıdır; taşları gevşek olmakla ondan taş keserler, hattâ Baṡra’da binâ olunan câmiʹin sütûnları oradan maktûʹ ve meclûbdur. Ve bir karye ismidir ki Mekke’ye on iki mîl mesâfede Yemen cânibine sâlik Ḩavf yolunda vâkiʹdir; be-gâyet miyâh ve mezrûʹâtı firâvândır. Ve Mekke’de bir dağın ismidir ki Ebû Ḵubeys nâm dağın yamacında vâkiʹdir; selefte Curhum kabîlesi eslihalarını oraya vazʹ eylemeleriyle silâhları onda مُتَقَعْقِعٌ [muteḵaʹḵiʹ] olduğu bâʹis-i tesmiyedir. ʹAlâ-kavlin Mekke dâhilinde mukîm Ḵaṯûrâ΄ kabîlesiyle Curhum beyninde muhârebe vâkiʹ olup mahall-i mezbûrda silâhlarını مُتَقَعْقِعٌ [muteḵaʹḵiʹ] eylemeleriyle Ḵuʹayḵiʹân ıtlâk olunmuştur.
قُعَيْقِعَانُ [Ḵuʹayḵiʹân] (ḵâf-ı evvelin zammı ve ʹayn’ın fethi ve ḵâf-ı ahîrin kesriyle) Mekke-i müşerrefede bir dağın ʹalemidir, pes bu ism-i maʹrifedir. Ve
قُعَيْقِعَانُ [Ḵuʹayḵiʹân] Ehvâz’da bir dağın dahi ismidir ki Baṡra mescidinin direkleri onun taşından yonulmuştur. Ve Ehvâz, Baṡra ile Fâris beyninde birkaç köylerdir.
Sitemizde detaylı hızlı ve kolay arama ekranı