Kamus-ı Muhit - السفرة maddesi

اَلسَّفَرَةُ [es-seferet] (بَرَرَةٌ [bereret] vezninde) سَافِرٌ [sâfir]in cemʹidir ki كَاتِبٌ [kâtib] maʹnâsınadır. Pes سَفَرَةٌ [seferet] كَتَبَةٌ [ketebet] demektir. Şârih der ki سَفْرٌ [sefr] حَفْرٌ [ḩafr] vezninde yazı yazmak maʹnâsına da müstaʹmeldir, isfâr-ı ʹulûm ve tebyîn-i merâm eylediği için; yukâlu: سَفَرَ الْكِتَابَ إِذَا كَتَبَهُ Ve

سَفَرَةٌ [seferet] Aʹmâl-i ʹibâdı zabt ve ketb ve ihsâ eylemeğe mü΄ekkel olan melâ΄ikeye ıtlâk olunur. Mü΄ellif bununla işbu: ﴿بِأَيْدِي سَفَرَةٍ كِرَامٍ بَرَرَةٍ﴾ âyet-i kerimesine işâret eylemiştir.

اَلسُّفْرَةُ [es-sufret] (sîn’in zammıyla) Misâfirin istishâb eylediği yol taʹâmına denir. سُفْرَةُ الْجِلْدِ [sufretu’l-cild] bundan me΄hûzdur, yaʹnî taʹâm sardıkları maʹhûd değirmi deriye سُفْرَةٌ [sufret] ıtlâkı hâliyyet ve mahalliyyet ʹalâkasıyla bundan me΄hûzdur. Misâfirlerin taʹâm sarıp götürdükleri ve taʹâmın altına yaydıkları meşinden olmakla giderek onda istiʹmâl olunup baʹdehu ʹale’l-ıtlâk istiʹmâl olundu, lisânımızda ṡâd ile sofra taʹbîr olunur.

Vankulu Lugatı - السفرة maddesi

اَلسَّفَرَةُ [es-seferet] (fethateynle) Yazıcılar, كَتَبَةٌ [ketebet] gibi veznen ve maʹnen. Aḣfeş eyitti: سَفَرَةٌ [seferet] سَافِرٌ [sâfir]in cemʹidir, كَاتِبٌ [kâtib]le كَتَبَةٌ [ketebet] gibi ve كَافِرٌ [kâfir]le كَفَرَةٌ [keferet] gibi.

اَلسُّفْرَةُ [es-sufret] (sîn’in zammıyla) Şol taʹâmdır ki müsâfir için ittihâz olunur. Ve sofraya سُفْرَةٌ [sufret] dedikleri bu maʹnâdan me΄hûzdur.