Kamus-ı Muhit - الإبن maddesi

اَلْإِبْنُ [el-ibn] (hemzenin kesriyle) Velede denir ki murâd oğludur. Aslı بَنَيٌ yâhûd بَنَوٌ idi fethateynle, yâ΄ ve vâv hazf olundu; cemʹi أَبْنَاءٌ [ebnâ΄] gelir, أَسْبَابٌ [esbâb] vezninde.

Vankulu Lugatı - الإبن maddesi

اَلْإِبْنُ [el-ibn] (hemzenin kesri ve bâ’nın sükûnuyla) Oğul.Aslı بَنَوٌ [benev]dir, bundan zâ΄il olan vâv’dır, nitekim أَبٌ [eb]den ve أَخٌ [aḣ]tan zâ΄il olan vâv idi. Ve bunun hazf olunan harfi أَخٌ [aḣ] gibi vâv olmasına karîne mü΄ennesi بِنْتٌ [bint] gelmesidir, أَخٌ [aḣ]ın أُخْتٌ [uḣt] geldiği gibi, zîrâ bu makûle tâ bir mü΄ennese dâhil olmaz, illâ onun müzekkeri lâbüddmahzûfu’l-vâv olur. Ve bu maʹnâya أَخَوَاتٌ [eḣavât] ve هَنَوَاتٌ [henevât] delâlet eder, vâv’ı redd edenlere nazar. Ve إِبْنٌ [ibn]in vezni فَعَلٌ [faʹal]dir fethateynle, zîrâ bunun cemʹi أَبْنَاءٌ [ebnâ΄] gelir,جَمَلٌ [cemel ile أَجْمَالٌ [ecmâl] gibi. Ve bunun vezni فِعْلٌ [fiʹl] ve فُعْلٌ [fuʹl] vezni üzere değildir fâ’nın kesri ve zammıyla,جِزْعٌ [cizʹ]le قُفْلٌ [ḵufl] gibi her ne denli bunların dahi cemʹi أَفْعَالٌ [efʹâl] vezni üzere gelirse de, zîrâ إِبْنٌ [ibn]in vâv’la nûn’la cemʹinde بَنُونَ [benûn] dersin bâ’nın fethiyle.Ve إِبْنٌ [ibn]in aslı فَعْلٌ [faʹl] vezni üzere dahi değildir feth-i fâ΄ ve sükûn-i ʹayn’la, zîrâ onun cemʹi أَفْعُلٌ [efʹul] gelir,كَلْبٌ [kelb]le أَكْلُبٌ [eklub] gibi yâhûd فُعُولٌ [fuʹûl] gelir, فَلْسٌ [fels]le فُلُوسٌ [fulûs] gibi. Ve Ferrâ baʹzı ʹArabdan هَذَا مِنْ أَبْنَاوَاتِ الشِّعْبِ rivâyet kılmıştır ki maksûd Kelb kabîlesinden bir cemâʹattir, pes bu dahi mahzûfu’l-vâv olduğuna delîldir. Ve هَذَا ابْنٌ بَيِّنُ الْبُنُوَّةِ dedikleri dahi mahzûf olan vâv olmasına delîl olur.