اَلْأَخُ [el-aḣ] (hemzenin fethi ve ḣâ’nın tahfîfiyle) ve
اَلْأَخُّ [el-aḣḣ] (teşdîd-i ḣâ’yla ki vâv-ı mahzûfeden bedeldir) ve
اَلْأَخَا [el-eḣâ] (kasr ile ki قَفَا [ḵafâ] lafzı gibi müstaʹmeldir) ve
اَلْأَخْوُ [el-aḣv] (دَلْوٌ [delv] vezninde ki aslı üzeredir) ve
اَلْأَخُو [el-aḣû] (hemzenin fethi ve ḣâ’nın zammıyla) Karındaşa denir, Fârisîde birâder denir. Ve bir adamın yâr ve sadîkine ıtlâk olunur; yukâlu: هُوَ أَخُوهُ أَيْ صَدِيقُهُ وَصَاحِبُهُ Cemʹleri أَخُونَ [aḣûn] gelir ve آخَاءٌ [âḣâ΄] gelir, آبَاءٌ [âbâ΄] vezninde ve إِخْوَانٌ [iḣvân] gelir hemzenin kesriyle ve أُخْوَانٌ [uḣvân] gelir hemzenin zammıyla ve إِخْوَةٌ [iḣvet] gelir hemzenin kesriyle ve أُخْوَةٌ [uḣvet] gelir hemzenin zammıyla ve أُخُوَّةٌ [uḣuvvet] ve أُخُوٌّ [uḣuvv] gelir zammeteynle ve vâv’ın teşdîdiyle.
Sitemizde detaylı hızlı ve kolay arama ekranı