اَلتَّعْزِيرُ [et-taʹzîr] (تَفْعِيلٌ [tefʹîl] vezninde) Bu dahi levm ve tevbîh eylemek maʹnâsınadır; yukâlu: عَزَّرَ فُلاَنًا إِذَا لاَمَهُ Ve te΄dîb eylemek maʹnâsınadır ki hadd-i şerʹîden nâkıs darb etmekten ʹibârettir, ʹalâ-kavlin eşedd-i darb ile darb eylemek maʹnâsınadır; yukâlu: عَزَّرَ الْجَانِيَ إِذَا ضَرَبَهُ دُونَ الْحَدِّ أَوْ هُوَ أَشَدُّ الضَّرْبِ Ve bu nusret yâhûd men΄ maʹnâsından me΄hûzdur. Ve bir kimseyi ululamak tevkîr ve taʹzîm maʹnâsınadır; yukâlu: عَزَّرَ فُلاَنًا إِذَا فَخَّمَهُ وَعَظَّمَهُ Bu sûrette azdâddan olur. Ve bir adama bir husûsta yardım eylemek maʹnâsınadır; yukâlu: عَزَّرَهُ إِذَا أَعَانَهُ Ve takviyet eylemek maʹnâsınadır; yukâlu: عَزَّرَهُ إِذَا قَوَّاهُ Ve bir maglûba nusret eylemek maʹnâsınadır; yukâlu: عَزَّرَهُ إِذَا نَصَرَهُ [Ve] نُصْرَةٌ [nuṡret] إِعَانَةٌ [iʹânet]ten ahasstır.
اَلتَّعْزِيرُ [et-taʹzîr] Ululamak, taʹzîm ve tevkîr maʹnâsına. Ve
تَعْزِيرٌ [taʹzîr] Te΄dîbe dahi derler. Bu sebebden şol darb ki hadd-ı şerʹîden ednâ ola ona تَعْزِيرٌ [taʹzîr] derler. Ve
تَعْزِيرٌ [taʹzîr] Davara yük vurmağa dahi derler; yukâlu: عَزَّرْتُ الْحِمَارَ إِذَا أَوْقَرْتَهُ
Sitemizde detaylı hızlı ve kolay arama ekranı