Kamus-ı Muhit - التقريع maddesi

اَلتَّقْرِيعُ [et-taḵrîʹ] Başa kakmak, serzeniş ve taʹnîf maʹnâsınadır; yukâlu: قَرَّعَهُ إِذَا عَنَّفَهُ Ve قَرَعٌ [ḵaraʹ] dedikleri mezkûr sivilceye uğramış deve köşeğine ʹilâc ve tîmâr eylemek maʹnâsınadır; yukâlu: قَرَّعَ الْفَصِيلَ الْأَقْرَعَ إِذَا ثَرَّبَهُ وَعَالَجَهُ مِنَ الْقَرَعِ Ve dişi hayvâna erkek çekmek maʹnâsınadır; yukâlu: قَرَّعَ النَّاقَةَ إِذَا أَنْزَى الْفَحْلَ عَلَيْهَا Ve bir adamı telâşa düşürüp yüreğini oynatmak maʹnâsınadır; yukâlu: قَرَّعَ لِلْقَوْمِ إِذَا أَقْلَقَهُمْ Ve sütlü deve köşeğinin başına meme emerken vurmak maʹnâsınadır ki pek sütlü nâkanın köşeği memenin birinden emerken âherinden süt akmakla sütü akıtmamak için köşek başıyla anasının karnına kaktıkta o dahi başıyla süsüp öte kakar; yukâlu: قَرَّعَتِ الْحَلُوبَةُ رَأْسَ فَصِيلِهَا وَذَلِكَ إِذَا كَانَتْ كَثِيرَةَ اللَّبَنِ فَإِذَا رَضَعَ الْفَصِيلُ خِلْفًا قَطَرَ اللَّبَنُ مِنَ الْخِلْفِ الْآخَرِ فَقَرَعَ رَأْسَهُ قَرْعًا أَيْ دَفَعَ

Vankulu Lugatı - التقريع maddesi

اَلتَّقْرِيعُ [et-taḵrîʹ] (ʹalâ-vezni اَلتَّكْرِيم [et-tekrîm]) Bir nesnede ʹunf etmek. Ve

تَقْرِيعٌ [taḵrîʹ] Deve yavrusuna قَرَعٌ [ḵaraʹ]dan ʹilâc etmeğe dahi derler, gûyâ ki قَرَعٌ [ḵaraʹ] marazı ondan izâle olunur, nitekim قَذَّيْتُ الْعَيْنَ ve قَرَّدْتُ الْبَعِيرَ ve قَلَّحْتُ الْعَوْدَ derler ki bunlar gözün çapağın gidermek ve devenin kenesin ayırtlamak ve ziyâde pîr olan devenin dişinin sarısın gidermek maʹnâsınadır. Ve عَوْدٌ [ʹavd] ʹayn’ın fethiyle yaşlı deve maʹnâsınadır.