اَلتَّفَسُّخُ [et-tefessuḣ] (تَفَعُّلٌ [tefaʹʹul] vezninde) Tüyler deriden, kezâlik deri etten ve et kemiklerden ayrılıp dağılmak maʹnâsınadır. Ve bu, meyyite mahsûstur, zî-hayâtta istiʹmâl olunmaz; yukâlu: تَفَسَّخَ الشَّعْرُ عَنِ الْجِلْدِ إِذَا زَالَ وَتَطَايَرَ Mü΄ellif misâlde iktisâr eylemiştir; ve minhu kavlu’l-fukahâ΄i: وَتَفَسَّخَتِ الْفَأْرَةُ فِي الْبِئْرِ Ve
تَفَسُّخٌ [tefessuḣ] İnsân ve hayvân ağır yük götürmekten bî-tâb u tüvân olmak maʹnâsınadır; yukâlu: تَفَسَّخَ الرُّبَعُ تَحْتَ الْحَمْلِ إِذَا ضَعُفَ وَعَجَزَ Ve رُبَعٌ [rubaʹ] صُرَدٌ [ṡurad] vezninde bahâr vaktinde doğmuş deve köşeğine denir ki evvel-i nitâcdır. Vanḵulu’nun altı yaşında olan develer ile tefsîri garîbdir.
اَلتَّفَسُّخُ [et-tefessuḣ] (fethateynle ve sîn’in zammı ve teşdîdiyle) Bir nesne şişip çatlamak; yukâlu: تَفَسَّخَتِ الْفَأْرَةُ فِي الْمَاءِ أَيْ تَقَطَّعَتْ Ve yüke tahammül etmeğe dahi derler; yukâlu: تَفَسَّخَ الرُّبَعُ تَحْتَ الْحِمْلِ الثَّقِيلِ وَذَلِكَ إِذَا لَمْ يُطِقْهُ Ve رُبَعُ [rubaʹ] râ-i mühmelenin zammı ve bâ’nın fethi ile cemʹdir, altı yaşında olan develer murâddır.
Sitemizde detaylı hızlı ve kolay arama ekranı