اَلدَّلْعَسُ [ed-delʹas] (جَعْفَرٌ [caʹfer] vezninde) ve
اَلدِّلَعْسُ [ed-dilaʹs] (حِضَجْرٌ [ḩiḋacr] vezninde) ve
اَلدِّلْعَوْسُ [ed-dilʹavs] (فِرْدَوْسٌ [firdevs] vezninde) ve
اَلدِّلْعِيسُ [ed-dilʹîs] (بِرْطِيلٌ [birṯîl] vezninde) ve
اَلدِّلْعَاسُ [el-dilʹâs] (قِرْطَاسٌ [ḵirṯâs] vezninde) ve
اَلدُّلاَعِسُ [ed-dulâʹis] (عُلاَبِطٌ [ʹulâbiṯ] vezninde) Vücûdu iri olarak sölpük ve salkı olan nâkaya denir. Ve
دِلْعَوْسٌ [dilʹavs] (فِرْدَوْسٌ [firdevs] vezninde) ve
دَلَعُوسٌ [deleʹûs] (حَلَزُونٌ [ḩalezûn] vezninde) Şol hatuna denir ki nefsine müteʹallik umûr ve mesâlihinde dilîr olup lâkin zevcine ʹisyânı ola; yukâlu: هِيَ دِلْعَوْسٌ وَدَلَعُوسٌ أَيْ جَرِيئَةٌ عَلَى أَمْرِهَا عَصِيَّةٌ لِأَهْلِهَا Ve şol nâkaya denir ki gece vaktinde yol yürümekte dilîr olup ve vücûdu semiz ve metîn ve tüvânâ olduğu hâlde gelin gibi iki tarafına salınarak yürür ola. Ve
دِلْعَاسٌ [dilʹâs] (قِرْطَاسٌ [ḵirṯâs] vezninde) ve
دُلاَعِسٌ [dulâʹis] (عُلاَبِطٌ [ʹulâbiṯ] vezninde) Râm ve zelûl olan erkek deveye denir; yukâlu: جَمَلٌ دِلْعَاسٌ وَدُلاَعِسٌ أَيْ ذَلُولٌ
Sitemizde detaylı hızlı ve kolay arama ekranı