ed-diflâ ~ اَلدِّفْلَى

Kamus-ı Muhit - الدفلى maddesi

اَلدِّفْلُ [ed-difl] (dâl’ın kesriyle) ve

اَلدِّفْلَى [ed-diflâ] (ذِكْرَى [žikrâ] vezninde) Bir cins merâretli nebt yaʹnî şecer ismidir ki Fârisîde ona har-zehre denir, Türkîde ağu ağacı dedikleridir ki halk ona zakkûm ağacı derler. Çiçeği hoş-manzar ve kırmızı ve baʹzı sarı ve siyâh ve yaldırayıcı olur; bâgçelerde tezyîn için yetiştirirler; matbûhunun tılâsı cereb ve حِكَّةٌ [ḩikket]e ve zımâdı diz ve arka ağrılarına müfîd ve hâneye reşy tard-ı berâgîs husûsunda mü΄essir ve lübbünü baʹde’l-inḵâ΄ on iki defʹa tılâ baras ʹilletini izâlede nâfiʹdir ve çiçeği kattâldir. Ve

دِفْلٌ [difl] Katrâna ve zifte denir.

Vankulu Lugatı - الدفلى maddesi

اَلدِّفْلَى [ed-diflâ] (dâl’ın kesri ve fâ’nın sükûnu ve elifin kasrıyla) Bir acı ottur. Ve sâhib-i Muhežžebدِفْلَى [diflâ] ağu ağacı demekle maʹrûf ağaçtır demiş. Ve bu vâhid olur ve cemʹ olur ve münevven olur ve gayr-i münevven olur. Şol kimse ki دِفْلَى [diflâ] kelimesinin âhirinde olan elifi ilhâk için kılmıştır, nekireliği hâlinde münevven kılmıştır. Ve şol kimse ki elifi te΄nîs için kılmıştır, nekireliği hâlinde münevven kılmıştır.

Sıradaki Maddeler

Arama ekranı

Sitemizde detaylı hızlı ve kolay arama ekranı