اَلزَّجْرُ [ez-zecr] (فَجْرٌ [fecr] vezninde) Menʹ ve nehy eylemek maʹnâsınadır; yukâlu: زَجَرَهُ زَجْرًا مِنَ الْبَابِ اْلأَوَّلِ إِذَا مَنَعَهُ وَنَهَاهُ Mü΄ellifin Baṡâ΄ir’de beyânına göre زَجْرٌ [zecr] savt ve âvâz ile tard eylemeye mevzûʹdur ve gâh olur ki yalnızca tard maʹnâsında ve baʹzen âzâr ve sayhada istiʹmâl olunur. İntehâ. Ve
زَجْرٌ [zecr] Köpek kısmını âzâr ile kovmak maʹnâsına müstaʹmeldir; yukâlu: زَجَرَ الْكَلْبَ وَبِالْكَلْبِ إِذَا نَهْنَهَهُ Ve kuş ile tefe΄΄ül edip fâlı bed gelmekle kuşu haykırıp sürmek maʹnâsınadır ve bu ʹan-karîb zikr olunacak عِيَافَةٌ [ʹiyâfet]ten başkadır; gerçi bu da o cümledendir; yukâlu: زَجَرَ الطَّائِرَ إِذَا تَفَأَّلَ بِهِ فَتَطَيَّرَهُ فَنَهَرَهُ
اَلزَّجْرُ [ez-zecr] (zâ’nın fethi ve cîm’in sükûnuyla) Menʹ etmek ve nehy etmek; yukâlu: زَجَرَهُ يَزْجُرُهُ مِنَ الْبَابِ الْأَوَّلِ Ve
زَجْرٌ [zecr] Kehânete yaʹnî mugayyebâttan haber vermeğe de derler; tekûlu: زَجَرْتُ أَنَّهُ يَكُونُ كَذَا وَكَذَا Ve deve sürmeğe dahi derler; tekûlu: زَجَرَ الْبَعِيرَ أَيْ سَاقَهُ
Sitemizde detaylı hızlı ve kolay arama ekranı