Kamus-ı Muhit - الشرى maddesi

اَلشَّرَى [eş-şerâ] (عَصَا [ʹaṡâ] vezninde) Kurdeşeni dedikleri gicik zahmetine denir, insânın bedeninde ekserî defʹaten hâdis olur bir marazdır; hurde hurde ve kızıl kızıl sûzişli bešamp;relerdir ve derdi gecelerde ziyâde ve müştedd olur, sebebi ıssı buhârdır ki bedende defʹaten severân eder; yukâlu: أَصَابَهُ الشَّرَى أَيْ بُثُورٌ صِغَارٌ حُمْرٌ حَكَّاكَةٌ مُكْرِبَةٌ Ve

شَرَى [şerâ] Masdar olur, nâs beyninde şerr ve fitne şerârelenmek maʹnâsınadır; yukâlu: شَرَى الشَّرُّ بَيْنَهُمْ شَرًى إِذَا اسْتَطَارَ Kurdeşeni olmak maʹnâsından me΄hûzdur. Ve şimşek çakmak maʹnâsınadır; yukâlu: شَرَى الْبَرْقُ إِذَا لَمَعَ Ve hışma gelmek maʹnâsınadır; yukâlu: شَرَى الرَّجُلُ إِذَا غَضِبَ Ve önegülük ve yanazlık eylemek maʹnâsınadır; yukâlu: شَرَي الرَّجُلُ إِذَا لَجَّ Ve kurdeşeniye uğramak maʹnâsınadır; yukâlu: شَرَى جِلْدُهُ إِذَا خَرَجَ عَلَيْهِ الشَّرَى Ve at eşip yürümekte fütûrsuz mübâlaga ve ikdâm eylemek maʹnâsınadır; yukâlu: شَرَى الْفَرَسُ فِي سَيْرِهِ إِذَا بَالَغَ فِيهِ

Vankulu Lugatı - الشرى maddesi

اَلشَّرَى [eş-şerâ] (şîn’in fethi ve elifin kasrıyla) Mâlın yaramazı, رُذَالُ الْمَالِ [ružâlu’l-mâl] maʹnâsına, شَوَى [şevâ] gibidir veznen ve maʹnen. Ve

شَرًى [şerâ] Yıldırımın çok yaldıramasına dahi derler; yukâlu: شَرِيَ الْبَرْقُ يَشْرَى شَرًى مِنَ الْبَابِ الرَّابِعِ إِذَا كَثُرَ لَمَعَانُهُ Ve

شَرًى [şerâ] Nâkanın yuları çok muztarib olmağa dahi derler; maʹnâ-yı mezkûrdan me΄hûzdur; yukâlu: شَرِيَ زِمَامُ النَّاقَةِ إِذَا كَثُرَ اضْطِرَابُهُ Ve

شَرًى [şerâ] At seyrinde lecc ve ʹinâd etmeğe dahi derler. Ve insân ʹinâd etmeğe dahi derler; yukâlu: شَرِيَ الْفَرَسُ فِي سَيْرِهِ وَشَرِيَ الرَّجُلُ إِذَا لَجَّ Ve

شَرًى [şerâ] Hurde sivilceler çıkmağa dahi derler; yukâlu: شَرِيَ جِلْدُهُ إِذَا ظَهَرَ خُرَاّجٌ صِغَارٌ لَهَا لَذْعٌ شَدِيدٌ Ve

شَرًى [şerâ] Gazab yalınlanmağa dahi derler; yukâlu: شَرِيَ فُلَانٌ غَضَبًا إِذَا اسْتَطَارَ غَضَبًا Ve

شَرًى [Şerâ] Selmâ demekle maʹrûf cebelin tarîkine dahi derler ki arslanı çok olmakla maʹrûftur. Ve

شَرًى [şerâ] Nâhiye maʹnâsına da gelir.